Gjysma e investimeve për rindëritmin do të merret borxh. 200 mln dollarë investime - Business Magazine Albania

Gjysma e investimeve për rindëritmin do të merret borxh. 200 mln dollarë investime


Në diskutimin e  buxhetit të shtetit për vitin e ardhshëm, qeveria shqiptare ka bërë ndryshime për t’iu përgjigjur dëmeve ekonomike të shkaktuara nga tërmeti.

Në projektbuxhetin e vitit 2020 janë parashikuar 200 milionë dollarë investime për ndërtimin e banesave dhe veprave publike të dëmtuara nga tërmeti i Nëntorit.

Që në mbledhjen e parë të jashtëzakonshme pas tërmetit, qeveria theksoi se një pjesë e financimit të nevojshëm do të sigurohet përmes borxhit. Ndaj, në buxhet nuk preken shpenzime apo investime të parashikuara.

Gjysmën e shumës së investimeve për ndërtime (100 milionë dollarë) qeveria parashikon ta sigurojë nga borxhi shtesë, i cili kalon nga 290 milionë dollarë në 390 milionë dollarë.

Pjesa tjetër e fondit të nevojshëm parashikohet të sigurohet nga donacionet.

Kreu i Komitetit të Menaxhimit të Fondeve Arben Ahmetaj, ka theksuar se nuk do të ketë rritje taksash, ndërkohë që deri në prag të Krishtlindjeve do të hiqen të gjitha inertet në zonat e dëmtuara. Në një vit, sipas tij, do të jenë ndërtuar banesat për rreth 80% të përsonave të pastrehë.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0