Është nënshkruar marrëveshja për realizimin e projektit Durrës Yachts & Marina, me vlerë 2 miliardë euro.
Ministrja e Infrastrukturës dhe Energjisë, Belinda Balluku ka theksuar gjatë ceremonisë se, “Ky është hapi përfundimtar i një procesi të gjatë që e kemi bërë transparent dhe e kemi ndarë me publikun. Kjo është kontrata përfundimtare pasi kemi kaluar të gjithë hapat duke nisur nga AIDA nga letra e interesit nga investitori në atë kohë dhe të gjithë hapat e tjerë në një negocim shumë të gjatë dhe më pas deri në aprovimin nga Parlamenti dhe sigurisht dekretimin e këtij ligji të posaçëm nga Presidenti”.
Zv,kryeministrja tha se, ky është projekti më i madh ekonomik që Shqipëria ka pasur ndonjëherë dhe për herë të parë shteti shqiptar është bashkëaksioner në një projekt që do të ketë vlerë investimi rreth 2 miliardë euro. Për me tepër duhet të kemi parasysh që ky projekt do të ndryshojë pamjen për të gjithë rajonin.
Balluku tha se, kemi pasur rastin të shohim në dy momente hapjen e zyrave sa i takon tregtimit të njësive të banimit në Durrës dhe Tiranë dhe interesi ka qenë i madh ashtu siç ka qenë interesi i madh edhe nga kërkesat online sipas investitori. Interes nga qytetarë nga e gjithë bota dhe nga diaspora shqiptare që do të ketë njësi banimi në këtë projekt. Sigurisht nuk ka qenë e lehtë të negociohet. Ishte një rrugë e re por sot kemi një grup të përgatitur për projekte të kësaj madhësie dhe natyre.
“Ky projekt edhe për pjesëmarrjen e shtetit në këtë investim parashikon krijimin e një kompanie të përbashkët ku shteti që është aksionet në masën 33 për qind, ka të gjitha përfitimet e një aksioneri në të ardhura dhe fitim”, theksoi znj.Balluku.
Shteti ka përgjegjësi të ruajë asetet e tij strategjike që në Durrës janë: kalatat, baseni dhe kanali i portit. Të gjitha këto mbeten pronë shtet siç mbetet dhe 45 për qind e hapësirës së portit aktual që do të rehabilitohet dhe ti kthehet në përdorim vizitorëve dhe banorëve të Durrësit. Përveç atyre me njësi banimi qytetarët e Durrësit do kenë akses në vijën bregdetare. “Ky zhvillim ridimensionon dhe fuqinë dhe përgjegjësinë e Autoritetit Portual Durrës duke na dhënë mundësinë të bëjmë një reformë të thellë sa i takon këtij autoriteti të rëndësishëm” tha ministrja Balluku.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
