Zhvlerësimi i euros. Ahmetaj: eksportet nuk u goditën, të ardhurat në buxhet po


Në një konferencë për shtyp, Ministri i Financave dhe Ekonomisë, Arben Ahmetaj tha se vijon besimi tek rritja ekonomike e vendit, duke theksuar se në tremujorin e parë të vitit rritja ekonomike ishte 4.45% falë energjisë.

Ministri theksoi se lehtësitë fiskale kanë mundësuar një klimë më të mirë biznesi, në turizëm e tek sipërmarrjet e mesme.

Sipas tij, futja e bizneseve në TVSH, nuk ka ndikuar në çmime ai tha se, të gjitha studimet e ekspertëve për ndryshimin e çmimeve tregojnë se indeksi i çmimeve për njësitë tregtare të marra në studim nuk është ndikuar nga përfshirja e tyre ne skemën e TVSH.

Megjithatë vendimi për përfshirjen në skemën e TVSH-së të bizneseve mbi 2 mln lekë, hyri në fuqi me 1 Prill, ndërsa të dhënat zyrtare për ecurinë e  ekonomisë të theksuara nga ministri u përkasin tre muajve të parë të vitit.

Në vlerësimet për ekonominë, Ahmetaj tha se eksportet u rritënmbi 18%. Sipas tij yhvlerësimi I euros ndaj lekut nuk ka dëmtuar eksportuesit.

Megjithëse të dhënat tregojnë për një rritje të kompanive të peyulluara apo të mbyllura gjatë këtij viti, ministri i Financave theksoi se është rritur numri neto i bizneseve në vend.

Qeveria pritet të dalë gjithashtu në tregun ndërkombëtar për emetimin e një eurobondi të ri me vlerë 500 milionë lekë. Ky borxh, pritet të ristrukturojë një pjesë të detyrimeve aktuale, duke e zgjatur borxhin publik në kohë. I pyetur nga gazetarët ai tha se borxhi nuk po merret për shkak të të ardhurave të ulëta në buxhet. Sipas tij, i vetmi efekt negativ në të ardhura është nga kursi i këmbimit, I cili sipas tij shkon në një vlerë prej 3.6 miliardë lekë.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale