Sipas indeksit të Cilësisë së Jetës përpiluar nga Numbeo, Tirana renditet e fundit (74) në Europë për kryeqytetet, duke lënë pas vetëm Novosibirskun në Rusi. Kryeqyteti shqiptar ka marrë një vlerësim total prej 98.5 pikësh (sa më i ulët, aq më keq), duke hyrë tek qytetet me cilësi të ulët të jetesës. Elementi më negativ që penalizon Tiranën është ndotja, që konsiderohet shumë e lartë.
Çmimet e larta të pronave në raport me të ardhurat janë një tjetër faktor që ul renditjen e Tiranës. Kryeqyteti është i 13-ti më i shtrenjtë nga 72 qytete europiane për raportin e çmimit ndaj të ardhurave, duke e bërë më të shtrenjtë se Munihu, Roma, Athina, Londra, Vjena dhe Berlini. Milano është qyteti më i shtrenjtë në Europë sipas këtij raporti.
Kujdesi shëndetësor është një tjetër faktor negativ për Tiranën, duke e renditur kryeqytetin të fundit në Europë. Indeksi shqyrton shpejtësinë e ekzaminimeve, pajisjet moderne dhe trajtimin e sëmundjeve.
Edhe për trafikun, Tirana renditet ndër qytetet ku shpenzohet më shumë kohë, duke u renditur e 11-ta. Ndërsa për sigurinë, Tirana është në mes, në vendin e 47-të.
Në kostot e jetesës, Tirana renditet më mirë, me indeksin e fuqisë blerëse që e vendos të dytën më të lirën pas Odesës në Ukrainë.
Lexo: Pas vajzës edhe ish-vjehrra shpërthen ndaj Elon Musk
Indeksi i Cilësisë së Jetës nga Numbeo është një vlerësim i cilësisë së përgjithshme të jetës në një qytet apo vend, duke shqyrtuar variabla si fuqia blerëse, ndotja, përballueshmëria e banesave, kostoja e jetesës, siguria, cilësia e kujdesit shëndetësor, koha e udhëtimit dhe kushtet klimatike.
Në rajon, Novi Sadi dhe Beogradi në Serbi renditen në vendet e 57 dhe 67 përkatësisht, ndërsa Shkupi në vendin e 69. Haga në Holandë kryeson listën, e ndjekur nga Luksemburgu, Eindhoveni, Roterdami, Zyrihu, Kopenhageni, Vjena, Helsinku, Gjeneva dhe Frankfurti. Destinacioni i parë jashtë BE-së është Perth në Australi, ndërsa në SHBA, Austin zë vendin e 15-të.
Haga shënon një rezultat të lartë në klimë, kujdes shëndetësor dhe siguri, duke ofruar një cilësi të lartë të jetesës me qendra historike, hapësira të gjelbra dhe plazhe me rërë, si dhe lidhje të mira transporti. Marre pjeserisht nga Monitor
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
