Aplikacioni tani do të mundësojë video thirrjet në grup në aplikacion për iOS dhe Android, njoftoi kompania.
WhatsApp ka mundësuar telefonatat me video që nga viti 2016, por këto telefonata zhvilloheshin vetëm midis dy personave. Ndryshimi i ri, ju lejon të komunikoni me katër persona njëkohësisht.
Megjithatë ky është një ndryshim modest, krahasuar me video telefonatat që në Facebook Messenger përfshijnë deri në 50 persona, ndërsa në Snapchat deri në 16.
Kompania po sigurohet që karakteristikat e reja të optimizohen edhe për njerëzit me lidhje të ngadaltë në internet dhe telefona më të vjetër.
Ju mund të filloni të bëni video telefonata në grup brenda aplikacionit duke prekur opsionin e ri “Shto pjesëmarrës” (add participants) në këndin e djathtë të ekranit gjatë kohës që jeni duke biseduar me video.
/Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
