Ky veprim nga operatori i telefonisë mobile Nr. 2 në botë erdhi pasi Deutsche Telekom njoftoi një shërbim të kufizuar të shërbimeve 5G në tregun e saj gjerman.
Lexoni: Si 5G do të bëjë jetën e përditshme më të mirë?
Nick Jeffery, shefi ekzekutiv i Vodafone UK, tha se ofrimi i planeve tarifore të pakufizuara për konsumatorët dhe klientët biznes do të revolucionarizojë tregun mobile.
“Ne do t’u japim klientëve të gjitha të dhënat që u nevojiten, kur dhe ku ata duan,” tha ai.
Jeffery tha se Vodafone kishte parë se si përdoruesit i përdornin pajisjet e tyre dhe se si menaxhonin rrjetin e saj, duke përfshirë efikasitetin e ofruar nga teknologjia 5G, përpara se të vendoste që të kalonte në plane të të dhënave të pakufizuara.
“Ne menduam se ishte roli i duhur që Vodafone të kthehej në rrënjët e saj si një novator i madh i teknologjisë britanike,” u tha ai gazetarëve.
EE, e cila është në pronësi të BT, filloi shërbimin e parë britanik 5G komercial më 30 Maj. Ofron një sërë kontratash dhe marrëveshjesh të thjeshta për shërbimin super të shpejta.
Vodafone po merr një qasje ndryshe duke ofruar doënloads të pakufizuar në përputhje me shpejtësinë, duke filluar nga 23£ (28,90 dollarë) në muaj deri në 2 Mbps shpejtësi, 26£ deri në 10 Mbps shpejtësi dhe 30£ për shpejtësi sa pajisja dhe rrjeti do të lejojnë.
“Le të fillojë beteja, Vodafone po kërkon të shkojë dhëmbë-më-dhëmbë me EE,” tha analisti i industrisë Paolo Pescatore. “Shkalla e ambicieve të saj nuk duhet të nënvlerësohet. 5G paraqet një mundësi të konsiderueshme për ta kthyer fatin e saj në Britaninë e Madhe”.
Ai shtoi se tregu 5G do të shikojë një nxitje të mëtejshme kur Apple të lançojë pajisjen e tij të parë 5G, me gjasa vitin e ardhshëm.
Lexoni: 5 gjëra që duhet të dini për 5G
Pasiguritë e Huawei
Vodafone po fillon shërbimin me Xiaomi Mi Mix 3 dhe kufjet Samsung S10 5G dhe një router 5G.
Të dyja Vodafone UK dhe EE hoqën dorë nga kufjet 5G të bëra nga Huawei i Kinës nga linjat e tyre e lançimit për shkak të pasigurisë në lidhje me mbështetjen nga Android pas një lëvizjeje të SHBA për të bllokuar qasjen e firmës kineze në teknologjinë e saj.
Jeffery tha se Vodafone gjithmonë pajtohet me udhëzimet e qeverisë mbi produktet dhe shërbimet e saj. “Por nëse është e mundur që ne të shesim një gamë më të gjerë të pajisjeve 5G, veçanërisht Huawei, ne do ta bëjmë,” shtoi ai.
Vodafone përdor një sërë furnizuesish të pajisjeve të telekomunikacionit duke përfshirë Huawei dhe Ericsson në rrjetin e saj, por nuk përdor kompaninë kineze në thelbin e saj.
“Huawei është një e treta e stacioneve tona bazë dhe dy të tretat e tjerë janë shitës të tjerë,” tha shefi i teknologjisë, Scott Petty. “Ne na pëlqen të përdorim Huawei në stacionet bazë, ata bëjnë produkte të shkëlqyera dhe punojnë me të vërtetë shumë mirë”.
I pyetur për mundësinë e një ndalimi total, Jeffery tha se Britania duhet të kuptojë mundësinë për të qenë një lider në teknologji. “Çdo gjë që na ngadalëson është një lajm i keq për të gjithë ne”.
Lexoni: Teknologjia 5G, 50 herë më e shpejtë se 4G
burimi: reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
