Është zbuluar djaloshi që qëndronte pas “Vezës së Instagramit”, postimit më të famshëm me 52 milionë pëlqime.
Chris Godfrey, është 29 vjeçari që punon për agjencinë kreative “The & Partnership” në Londër. Ai tha që fillimisht e kishte postuar foton për pak humor, por dhe për të bërë një eksperimet se si do të reagonin njerëzit.
Lexoni: Kush e bëri të famshme vezën më të pëlqyer të Instagramit?
Për New York Times ai thotë: “Një vezë nuk ka gjini, rracë apo besim. Veza është thjesht vezë. Është universale.”
Godfrey e postoi foton më 4 janar me titullin: “Le të vendosim një rekord botëror së bashku dhe të arrijmë postimin më të pëlqyer në Instagram. Të mundim rekordin botëror që mban Kylie Jenner (18 milionë)! Ne mund t’ja dalim. ”
Godfrey ka kërkuar ndihmën e dy miqve të tij, Alissa Khan-Whelan, 26 dhe CJ Brown, 29, për të drejtuar llogarinë e vëzës në Instagram.
Gjatë dy javëve të kaluara, janë postuar foto të njëpasnjëshme të vezës me krisje si një fushatë ngacmuese.
Së fundmi në profilin e world_record_egg, është postuar një video që mban një mesazh për të gjithë ndjekësit:
“Përshëndetje! Unë jam world_record_egg, (ndoshta ke dëgjuar për mua). Kohët e fundit kam filluar të krisem. Presioni i medias sociale më ka mbërthyer dhe mua. Nëse dhe ti po vuan të njëjtën gjë, FOL ME DIKË.”
Godfrey ka folur për mediat duke treguar se këto javë kanë qenë “një çmenduri” dhe “një udhëtim real”, por ai ishte i vendosur ta përdorte suksesin e tij për një qëllim të mirë.
Lexoni: Fotografia e një veze është tani postimi më i pëlqyer në Instagram
“Nuk bëhet fjalë për mua,” thotë ai. “Gjithçka bëhet për vezën, ku mund ta çojmë e çfarë mund të bëjmë për të.”
Gjithsesi ai e pranon se suksesi ka qenë i papritur.
“Një ngacmim i vogël që kapi vëmendjen e botës,” tha ai. “Por ajo çfarë ti bën më atë vëmendje është ajo që vlen.”
/Standard.UK
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
