Veprimet e Carlos Chosn, që kanë vënë në rrezik aleancën 20 vjeçare Nissan-Renault


Carlos Ghosn u pushua nga drejtimi i Renault, një ditë pas arrestimit të tij në Japoni për shkelje financiare, ndërsa qeveria Franceze po bën përpjekjet e saj të mbrojë aleancën me Nissan, të tronditur nga skandali.

Financial Times shkruan se Carlos Ghosn kishte planifikuar të realizojë një shkrirje midis Renault dhe Nissan para arrestimit të tij në Tokio këtë javë, një marrëveshje që u kundërshtua nga bordi japonez i makinave dhe po kërkonte mënyra për të bllokuar.

Disa anëtarë të bordit të Nissan prisnin që përpjekja të materializohej në muajt e ardhshëm.

Ghosn, u arrestua në fillim të javës, pasi Nissan deklaroi se ai ka përdorur paratë e kompanisë për motive personale dhe ka raportuar pagën më të ulët prej vitesh.

Shteti Francez është aksioner 15% tek Nissan, ndaj Ministri francez i Financave, Bruno Le Maire, tha se Carlos Ghosn nuk është më në një pozitë për të drejtuar Renault. Ai bëri të ditur se po kërkohet një drejtim i përkohshëm i kompanisë për të cilin ka takuar edhe administratorin Philippe Lagayette, përfaqësuesin shtetëror të Renault. “U kemi kërkuar autoriteteve tatimore të bëjnë verifikimet për Carlos Ghosn”, tha ministri.

Renault në vetvete zotëron 43.4% të Nissan. Një alenacë 20 vjeçare që së fundi u vu në pikëpyetje.

Ministri tha se për këtë do të bisedojë me homologun japonez. Sipas tij, “partneriteti i Renault me Nissan është në interes të të dyja vendeve dhe të dyja kompanive”.

Renault bleu aksione tek Nissan në vitin 1999, periudhë kur Nissan ishte në vështirësi financiare në dy ditët e para të javës aksionet e Renault ranë gati 13%, (8.4% të hënën dhe 4.3% të martën).

Financial Times, WSJ,

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale