Të dhënat e marra dhe grumbulluara nga Finbold tregojnë se 143 milionë ndjekës në rrjetet sociale të Presidentit të Shteteve të Bashkuara Donald Trump janë rreth 7.2 herë më shumë krahasuar me rivalin e tij në zgjedhjet e ardhshme Joe Biden. Që nga 28 tetori, numri i përgjithshëm i ndjekësve të Biden në rrjetet sociale ishte 19,94 milionë.
Trump ka më shumë ndjekës të rremë në Twitter
Në Twitter, Trump ka 87.2 milionë ndjekës, që përfaqësojnë rreth 7.86 herë më shumë ndjekës se 11.1 milionë të Biden. Të dy kandidatët gjithashtu kanë një pjesë të ndjekësve të rremë të Twitter, me Trump që ka 6% më shumë ndjekës të rremë krahasuar me Biden.
Lexoni: Instagram zgjat kohën e transmetimeve live
Një përmbledhje e llogarive të tyre në Instagram tregon se Trump ka 4.52 herë më shumë ndjekës se Biden me 22.6 milionë ndërsa Biden ka vetëm 5 milionë ndjekës.
Në Facebook, Trump ka 32.26 milionë ndjekës ndërsa ndjekësit e Biden janë 9.06 herë më pak se Trump, duke numëruar 3.56 milionë të tillë.
Në YouTube, Biden ka 0.28 milionë të abonuar, që është rreth 5.04 herë më pak kur krahasohet me 1.41 milionë të abonuar të Trump.
Të dhënat e publikuara nga Finbold nuk kanë për qëllim të nënçmojë ose mbështesë asnjërin nga kandidatët, janë vetëm për qëllime informuese. Platformat e mediave sociale, në të cilat nuk kishin llogari zyrtare të dy kandidatët u përjashtuan.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
