Ulet ndjeshëm numri i fermave që kultivojnë kërmillin. Fermat kryesisht të orientuara nga eksporti - Business Magazine Albania

Ulet ndjeshëm numri i fermave që kultivojnë kërmillin. Fermat kryesisht të orientuara nga eksporti

kërmillin

Disa vite më parë numri i atyre që vendosën të investonin në një fermë kërmilli u rrit ndjeshëm nën “joshjen” e një biznesi me fitim.

Por, gjatë rrugës, jo të paktë ishin ata që u zhgënjyen, duke e braktisur si aktivitet dhe sot sasia e kultivuar mbetet modeste. Të dhënat zyrtare nga Ministria e Bujqësisë tregojnë se numri i fermave është tashmë më pak se pesë dhe po shkon drejt uljes ndërsa eksportet janë rreth 400 tonë.

“Kultivimi i kërmillit është i orientuar kryesisht nga eksporti. Vendi po prodhon 400 ton kërmij. Ka pak fermerë që kultivojnë kërmij dhe shitja e tij bëhet me një me çmim 4 euro për kg. Rendimenti është 12 ton për ha. Operatorët janë nga Durrësi dhe Fieri. Edhe pse prodhimi i kërmillit ka disa nënprodukte, pjesa më e madhe janë kërmijtë e freskët. Aktualisht kultivimi është thuajse inekzistent”, thuhet në dokumentin e Ministrisë.

Sipas të njëjtit studim tregu i kërmijve është i orientuar kryesisht drejt eksportit të vjeljes së të egrit ndërsa kultivimi aktualisht ndiqet nga dy operatorë. Tregu ka një vlerë të përafërt prej 400 mijë euro që eksportohet. Në terma të volumit, vlera e eksportit është në stanjacion. Pjesa kryesore e eksportit është drejt industrisë kozmetike ndërsa një pjesë tjetër e prodhimit shitet edhe në tregun e brendshëm. Kryesisht restorantet blerjet e tyre i kanë direkte për kërmij që nuk janë të kultivuar, por të mbledhur në natyrë. Nuk ekziston sot një treg i brendshëm për kërmijtë për qëllime jo ushqimore.

Lexoni: Biznesi për përpunimin e kërmijve në Korçë, i destinuar për eksport

“Kultivimi i kërmillit ka nevoja për frigoriferë, rrjeta dhe struktura për fermat, makineri të vogla për përgatitjen e tokës. Megjithatë, gjatë viteve të fundit një pjesë e madhe e operatorëve të sektorit kanë mbyllur aktivitetin e tyre dhe numri i fermave është zvogëluar nga më shumë se 10 deri në më pak se 5”, thuhet në dokument.

Ecuria e dobët pa ndonjë interes për tregun e kërmijve ka bërë që nga ana e ekspertëve të sugjerohet që nëse do të ketë masa mbështetëse kultivimi i kërmijve të mos jetë pjesë e tij.

Dokumenti sqaron se në rastin e kërmijve kërkohen pak investime përveç mbështetjes me ngritjen e kapaciteteve dhe informacionin për tregun. Po kështu kërkohet rritje e qëndrueshme në kapacitetin menaxhues dhe njohuritë teknike, si dhe mbështetje për rritjen e aksesit në tregje kërkohet.

/monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0