U mundova të lidhem me 30 njerëz për 30 ditë. Ja çfarë mësova - Business Magazine Albania

U mundova të lidhem me 30 njerëz për 30 ditë. Ja çfarë mësova


Nga Deana deBara, shkrimtare

Unë punoj nga shtëpia dhe kam mësuar që kjo mënyrë pune nuk të jep shumë mundësi për t’u rrjetëzuar dhe për të bërë lidhje. Dhe për një ekstrovert si unë, kjo mund të jetë një sfidë e vërtetë.

Mos më keqkuptoni – unë e dua atë që bëj dhe biznesi po shkon jashtëzakonisht mirë. Por, kohët e fundit, nuk jam ndjerë shumë e motivuar. Dhe e di se kjo ka të bëjë me faktin që në shumicën e ditëve, mes orëve 08:00 dhe 18:00, bisedat e vetme që bëj janë me qenin tim.

Kështu që mendova: Po sikur t’i mundësoja vetes krijimin e marrëdhënieve të reja? Po sikur të bëja ndërtimin e rrjetit tim një qëllim më primar? Çfarë lidhjesh do të bëja? Si do të ndryshonte biznesi im dhe më e rëndësishmja, si do të ndryshonte mënyra se si unë ndihem për biznesin tim?

Dhe kështu lindi ideja për një sfidë të krijimit të lidhjeve të reja.

Sfida 30-Ditore e Lidhjeve

Sapo më erdhi ideja, vendosa t’i përkushtohesha një sfide 30-ditore për krijimin e lidhjeve të reja. Rregullat? Çdo ditë për një muaj – do të përpiqesha të bëja të paktën një lidhje të re biznesi. Dhe kur them lidhje biznesi, e kam fjalën për lidhje të rëndësishme të biznesi, jo vetëm biseda të pavlefshme.

Në mënyrë që t’ia arrija qëllimit tim, lidhja do të duhej të ndodhte: a) personalisht. Nëse kjo nuk ishte gjeografikisht e mundur, b) duhej të ishte një telefonatë serioze ose bisedë nëpërmjet email-it.

Këtu janë disa nga strategjitë që kam përdorur për të krijuar lidhje të reja:

  • Iu referova rrjetit tim ekzistues. Një nga mënyrat më të lehta për të takuar njerëz të rinj është duke u prezantuar nga njerëzit që ju i njihni. I pyeta një numër njerëzish në rrjetin tim ekzistues për të parë nëse ata kishin ndonjë referim – për klientët potencialë, apo vetëm ata që mund të jenë interesantë për t’u takuar.
  • Kam kërkuar në internet për evente të rrjetëzimit.
  • I kam vënë vetes qëllime të mëdha. Unë gjithashtu u angazhova për t’u lidhur me kompanitë me të cilat ka qenë e vështirë për të punuar – edhe në qoftë se thjesht mendimi i kontaktit me ta ishte i frikshëm.

Një nga sukseset më të mëdha të sfidës sime për krijimin e lidhjeve të reja prej 30 ditësh ishte takimi me klientë “të vështirë”. Kam dërguar prezantime në tetë kompani që i kam pasur në listën time “të ëndrrave” dhe përfundova duke i takuar tre prej tyre.

TheMuse

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0