Kliton Gerxhani, kryetar i Shoqatës Shqiptare të Tur-Operatorëve, thotë se, “tregu më i ndjeshëm është ai i europës perëndimore, Italia në veçanti. Kompanitë vendase kanë filluar të marrin anulime të rezervimeve të bëra më parë dhe kjo është shqetësuese”.
Prej vitesh tur-operatorët ankohen për zgjedhjet elektorave që zhvillohen në fillim të verës, pasi vetëm kjo sjell rritje të pasigurisë. Ndërsa këtë vit, biznesi i turizmit e sheh veten me një turizëm që po fillon me vonesë për shkak të motit ende të ftohtë dhe anulimit të disa grupeve për shkak të protestave dhe perceptimit të pasigurisë politike”.
Lexo: Turizmi, në qershor 13% më shumë të huaj se një vit më parë
Sipas Gerxhanit, ende nuk ka një vlerësim konkret të dëmit të bërë në turizëm. Por, ndryshe nga vitet e kaluara, kur pritshmëria për rritje të fluksit të turizmit i kalonte 10%, këtë vit Operatorët shpresojnë të mos zbresin nën nivelin e turizmit të një viti më parë.
Prej rreth një viti turizmi është shpallur prioritet i qeverisë, me një paketë të tërë lehtësuse në investimet e niveleve me 4 dhe 5 yje. Por, investimet nga sipërmarrës të huaj dhe vizitat nga turistë të huaj në ambientet aktuale të akomodimit, pritet të “mpihen” nga kriza politike.
Me një rritje gati 9% vitin e kaluar të ardhurat nga turistët e huaj ishin gati 1.9 miliardë euro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
