Trump: Do të hapim ekonominë edhe pse do të kemi më shumë të vdekur - Business Magazine Albania

Trump: Do të hapim ekonominë edhe pse do të kemi më shumë të vdekur

Ashtu si edhe Europa, Shtetet e Bashkuara po shkojnë drejt hapjes. Presidenti amerikan Donald Trump, ka theksuar në një deklaratë të tij se, “amerikanët duhet të fillojnë t’i rikthehen jetës së tyre normal edhe nëse kjo çon në më shumë të infektuar dhe vdekje si shkak i pandemisë. “A do të infektohen më shumë njerëz? Po. A do të kemi më shumë të vdekur? Po! Por, duhet ta hapim ekonominë e vendit tonë dhe këtë duhet ta bëjmë së shpejti”, tha Trump.

Gjatë udhëtimit të tij të parë jashtë Uashingtonit në më shumë se një muaj, ai tha se po përgatitet për “fazën e dytë” të përgjigjes së Shteteve të Bashkuara të Amerikës ndaj koronavirusit. Kjo do të përfshijë shpërndarjen e grupit të punës në Shtëpinë e Bardhë të ekspertëve të shëndetit publik, përfshirë Anthony Fauci dhe Deborah Birx, të cilët kanë drejtuar deri më tani menaxhimin e pandemisë së Covid-19. Ndër të tjera, Trump ka pohuar se dëmi ekonomik i vendit është bërë shumë i madh për të mbajtur ende vendin nën izolim. Ai i inkurajoi amerikanët që të mendojnë për veten e tyre si “luftëtarë” dhe të ndihmojnë në rihapjen e vendit shumë shpejt.

Presidenti është shprehur edhe më i zhgënjyer për recesionin e shkaktuar nga Covid 19, i cili la më shumë se 30 milionë amerikanë pa punë.

Shtetet e Bashkuara të Amerikës, shënojnë përhapjen më të madhe të koronavirusit në botë, me rreth 1.2 milionë njerëz të infektuar dhe më shumë se 70,000 viktima deri më tani. Gjatë një interviste, Trump tha se mbyllja e kombit ishte “vendimi më i madh që duhej të kisha marrë ndonjëherë”.

Ai është i bindur për vendimin e tij lidhur me rihapjen e kombit, dhe pse është shumë i ndërgjegjshëm me pasojat në njerëz që do të shkaktojë kjo rihapje deri në momentin e prodhimit të vaksinës.

“Do të ketë më shumë vdekje,” tha ai. “Virusi do të kalojë, me ose pa një vaksinë. Vaksina është zgjidhja ideale, por me ose pa një vaksinë ne do t’i kthehemi normalitetit”. Ai nxit shtetet të lehtësojnë masat për distancimin shoqëror dhe të lejojnë bizneset të rihapen, megjithëse paralajmëroi se kjo duhet të bëhet “në mënyrë të sigurt”.

Ekspertët e shëndetit publik paralajmërojnë ndërkohë që vendi rrezikon një valë të dytë të infeksioneve nëse kufizimet hiqen shumë herët, gjë që mund të çojë në një raund tjetër të mbylljeve dhe dëmtimeve ekonomike. Por, ndërsa Trump tha që një rihapje në shkallë të plotë mund të çojë në më shumë vdekje, ai shprehu optimizëm se virusi do të largohej. Ai tha se, nëse rastet kthehen, do të ishte si një “zjarr” që mund të shuhet “shpejt”.

Trump ka hedhur poshtë dy projeksione të reja që parashikuan skenarët më të rëndë të asaj që mund të ndodhë nëse vendi heq urdhërat e mbylljes shumë shpejt: një model i Universitetit Johns Hopkins tregon se vdekjet mund të arrijnë në 3,000 në ditë deri më 1 qershor. Ndërsa, një analizë e Universitetit të Uashingtonit tregon se numri i vdekjeve të SHBA mund të arrijë në 135,000 deri në fillim të gushtit.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0