Trump anulon fluturimet nga Europa në Amerikë

Trump anulon fluturimet nga Europa në Amerikë


Presidenti amerikan Donald Trump lajmëroi se ka vendosur anulimin e të gjitha udhëtimeve nga Europa në SHBA për 30 ditë.Presidenti fajësoi BE-në duke thënë se ajo nuk ka vepruar me shpejtësinë e duhur, duke mos mbyllur kufijtë me zonat e prekura dhe theksoi se rastet e coronavirusit në SHBA kishin prejardhje nga udhëtarët europianë.

Lexo: Shkon në 15 numri i të prekurve nga coronavirus në Shqipëri

Trump tha se masat e ndërmarra synojnë të ndalojnë përhapjen e rasteve në SHBA dhe lajmëroi se ndalimi i fluturimeve do të hyjë në zbatim në mesnatën e së premtes.

Sidoqoftë, menjëherë pas mbarimit të fjalimit të presidentit Trump, administrata e tij doli me deklarata saktësuese duke thënë se udhëtimet nuk ishin anuluar që të gjitha.

Një zëdhënës i Sigurisë Kombëtare Amerikane tha se ndalimi i fluturimeve përfshinte udhëtimin nga zona Shengen, saktësisht nga këto shtete:

Austria, Belgjika, Republika Çeke, Danimarka, Estonia, Finlanda, Franca, Gjermania, Greqia, Hungaria, Islanda, Italia, Letonia, Litenshtejni, Lituania, Luksemburgu, Malta, Holanda, Norvegjia, Polonia, Portugalia, Sllovakia, Sllovenia, Spanja, Suedia dhe Zvicra.

Personat që kishin udhëtuar në një nga shtetet e mësipërme në 14 ditët e fundit nuk do të lejohen të fluturojnë drejt SHBA.

Shtetasit amerikanë dhe banorët e përhershëm që zotërojnë Green Card, familjarët e afërt të shtetasve amerikanë dhe disa individë që do të specifikohen në urdhrin e Trump mund të udhëtojnë drejt SHBA për sa kohë kanë kaluar testet në aeroportet ku SHBA do të dërgojë testues. Mbretëria e Bashkuar nuk përfshihet në urdhrin e ndalimit të Trump.

“Bëmë një lëvizje që shpëtoi jetë duke marrë një vendim të hershëm ndaj Kinës. Tani duhet të bëjmë të njëjtën gjë për Europën,” deklaroi Trump.

Presidenti u shpreh se SHBA do të monitorojë situatën për të vendosur nëse udhëtimi mund të rihapet më herët nga afati një-mujor.

Pavarësisht se në deklaratën e tij përpara popullit amerikan Trump lajmëroi se kufizimet në udhëtim do të përfshinin ndjeshëm dhe mallrat, më pas ai postoi në Twitter një sqarim ku tha se ndalimet janë vetëm për njerëzit. Transporti i mallarave do të vazhdojë.

Lexo: Evitoni lëvizjet e panevojshme!

SHBA po ndërmerr masa të njëpasnjëshme për të parandaluar përhapjen e coronavirusit COVID-19, ndërsa deri tani numëron mbi 1000 të prekur dhe 38 viktima.

Shtetet kanë ndaluar tubimet publike, universitetet kanë anuluar pjesëmarrjen fizike në klasa duke e kaluar mësimin online dhe kanë nxitur personat e ardhur nga jashtë SHBA të izolohen në shtëpi për 2 javë.

Organizata Botërore e Shëndetësisë e shpalli krizën globale shëndetësore një pandemi.

CNN

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0