Pyetja është: A jeni në djeni të trendeve të fundit? A po studioni mjaftueshëm për terrenin vazhdimisht të ndryshueshëm?
Ju njohim me Trendet e Marketingut Digjital, që ndikojnë në sjelljen e konsumatorit dhe që po sjellin valë të reja në suksesin e një biznesi:
#1. Çdo gjë me telefon
80% e kërkimeve “Dua të di” “Dua të bëj” bëhen me telefon.
80% e të ardhurave të Facebook Ad vjen nga Ads (reklamat) në mobile!
Për këtë nuk na nevojiten statistika që të bindemi. Shikoni veten tuaj. Cila është gjëja e parë që bëni çdo mëngjes dhe e fundit që bëni çdo natë para se të flini gjumë? E thjeshtë! Kontrolloni mesazhet/emailin. Ku i kontrolloni? Sigurisht që në telefon.
Ne kontrollojmë mesazhet në Messenger apo WhatsApp gjatë ditës. Me raste, mund të hapim LinkedIn, Twitter apo Facebook.
Çfarë ndodh kur kërkoni për një film apo recetë? Ju hapni browserin në telefonin tuaj.
Bizneset duhet të përqafojnë teorinë “Çdo gjë me telefon” në të gjitha planet e tyre të marketingut dixhital.
#2 Chatbots
Chatbot është një program kompjuterik i cili zhvillon një bisedë audio ose me tekst. Duhet t’i keni hasur kur vizitoni një website i cili shet produkte të informacionit dixhital.
Deri në vitin 2020, 30% e bisedave tona do të realizohen përmes Chatbots.
Përdorimi i Chatbots është rritur sepse klientët nuk janë më të kënaqur me mesazhin “do t’ju kontaktojmë së shpejti”.
Studimi i Facebook IQ tregon se 56% e njerëzve preferojnë një mesazh në vend të një telefonate për shërbimin ndaj klientit.
Chatbots sjellin zhvillim të bisedës dhe ndihmojnë në zgjidhjen e menjëherëshme të problemeve të klientit.
# 3 Video
Video ka shpërthyer dhe nuk mbaron me kaq.
Facebook dhe LinkedIn po promovojnë masivisht Videoi.e. Video të krijuara brenda platformave të tyre dhe rrjedhimisht nga futja në Live.
Si biznes, Video ju ndihmon që të bëni lidhje reale me perspektivat tuaja dhe i jep më shumë vlerë klientëve tuaj ekzistues.
Asaj që do t’i rritet rëndësia është Video SEO. Google po punon për të mundësuar kërkimin për video duke përzgjedhur kështu përmbajtje nga video dhe jo thjesht titullin apo përshkrimet. Teksti për SEO do të ndryshojë në mënyrë dramatike.
#4 Marketingu me Influencer
Seth Godin ka thënë, “Njerëzit nuk blejnë produkte apo shërbime. Ata blejnë marrdhënie, histori dhe magjinë.”
Influencers (le ti quajmë Ndikuesit në shqip) janë individë të cilët kanë një ndikim të jashtëzakonshëm përmes ndjekjes së tyre në rrjetet sociale.
70% e adoleshentëve që kanë një llogari në YouTube besojnë në opinionet e ndikuesve sesa të famshmit tradicionalë.
Ndikuesit ndikojnë në parimet e pëlqimit duke patur një impakt të madh te konsumatorët e rinj dhe ata ekzistues. Ndjekësit e tyre në rrjetet sociale ndjekin çdo hap që ata bëjnë dhe madje duan të dinë si nis dhe mbyllet dita e tyre. Për momentin interesi më madh merret nga Instagram stories dhe bashkë me të edhe fitimet.
/Entrepreneur
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
