Tre ngjarje të veçanta biznesi në 2020



Mediat sociale dhe lajmet janë “bombarduar” me oferta për të marrë pjesë në ngjarje dhe seminare që premtojnë të ndryshojnë jetën tonë përgjithmonë. Pronarët e kompanive të mëdha mundohen të ruajnë privatësinë e takimeve të tyre, ndaj nuk keni dëgjuar shpesh për ta.
Forma e modelit të biznesit të tyre përqëndrohet më shumë në cilësi sesa në sasi. Ata vendosin një tarifë të konsiderushme, për të marrë pjesë dhe më pas ju ofrojnë një përvojë unike.
Lexo: Çfarë po ndodh në këto momente në botë? Ja ngjarjet më të rëndësishme.
Ja cilat janë tre ngjarje të rëndësishme të cilat nuk duhet që t’i humbisni në vitin 2020:

Trokitje e fshehtë
Trokitja e fshehtë e vlerësuar si ngjarja më e rëndësishme që duhet të merrni pjesë. Ajo shquhet për njohuritë ekskluzive dhe të drejtpërdrejta.
Para se të pranojnë investimin tuaj për të marrë pjesë me vlerë e biletës me shumën prej 3,000 dollarë Dr. Greg Reid dhe Jeffrey Klubeck personalisht bëjnë verifikimin e çdo të ftuari. Ata ruajnë detaje të fshehta deri në kohën e shfaqjes. Edhe pas regjistrimit dhe aprovimit, të pranishmëve nuk u tregohen detaje, më tepër se qyteti dhe shteti.

Vendodhja është aq private, sa nuk zbulohet deri disa ditë para ngjarjes, kur ajo ndahet në mënyrë diskrete vetëm me të pranishmit. Të pranishmit e ‘’Trokitjes së fshehtë’’ kanë qasje të drejtpërdrejtë dhe bashkëveprim me figura ikonike të botës si: Presidenti i Meksikës Vicente Fox, fituesi i çmimit të Oskar Richard Dreyfuss, Tonino Lamborghini, dhe NFL Hall of Famer, Andre Reed, si dhe themeluesit e UGG Boots , Chuck E Cheese, E! Network and Make A Wish. Qëllimi i Reid dhe Klubeck është që të shkurtojë mënyrën e të mësuarit mbi sipërmaren duke u siguruar mençuri dhe drejtim të zbatueshëm nga individë që kanë zotëruar fushat e tyre.

Netët e Ashensorit
Dan Fleyshman mbledh së bashku milionerët, miliarderët, investitorët të famshëm në një pjesë të madhe të qarkut të Los Anxhelosit. Synimi i tyre është të ndihmojnë sipërmarrësit e ardhshëm. Pjesëmarrësve u jepet mundësia që idetë e tyre t’i paraqesin në panelin e famshëm dhe më pas të marrin përshtypje dhe ide të reja, inovative. Ka një afat kohor për secilin prezantim. Në këtë skenar, nuk ka kamera ose ekuipazhe televizive, kështu që reagimi i sinqertë është i bollshëm.

Lexo: Energjia diellore përcaktuese për vizionin e 2020

‘’Speak Easy”
Të marshësh pjesë në një ‘’Speak Easy’’ nuk është e lehtë. Do të thotë të zotërosh një fat të mirë, ose të jeni një VIP. Në një ‘’Speak Easy’’ vendodhja nuk është asnjëherë e njëjtë dhe siguria është shumë e lartë. “Speak Easy është zhvilluar një herë në ambientet e dyqanit Louis Vuitton në Rodeo Drive dhe një herë tjetër, u zhvillua në një burg të sigurisë së lartë.  Sims në këto evente gjithmonë ju ofron të ftuarve specialë një këndvështrim në të gjitha aspektet e jetës dhe biznesit.

Këto janë tre ngjarje, të cilat zotërojnë një potencial të madh dhe mund t’u ndryshojnë pjesëmarrësve këndvështrimin për jetën.

Përktheu: Gerta Demiri

Inc

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale