Energjia diellore përcaktuese për vizionin e 2020

Energjia diellore përcaktuese për vizionin e 2020


Zhvillimi i energjive alternative të rinovueshme dhe veçanërisht atyre nga dielli dhe era, me qëllim diversifikimin dhe optimizimin e prodhimit të energjisë në Shqipëri, janë kthyer në objektivat kryesor në sektorin strategjike të energjisë. Në këtë drejtim, ndërsa fondi i parë i fotovoltaikës prej 20 MW është duke u zbatuar në praktikë, plani i ripërtëritur i veprimit (PVKBER 2020) me vendim qeveritar të vitit 2018, shënoi një trefishim të shumës totale të kapacitetit fotovoltaik, duke kaluar nga 40 MW në 120 MW dhe dyfishim për sa i takon atij të erës.

Investimet që vijnë si pjesë e një marrëveshjeje midis ministrisë së energjisë dhe BERZH-it nënshkruar majin e kaluar,dhe më pas midis vetë BERZH-it dhe Sekretariatit të Energjisë në Vjenë, i cili sheh mundësinë e plotësimit të kërkesës gjithnjë dhe në rritje (viti i kaluar 4.9%) duke u fokusuar në fotovoltaikë për të arritur objektivin e vitit 2020. Qasje që më tej është shoqëruar kohët e fundit me përjashtimin nga çdo detyrim doganor për komponentët e importuar fotovoltaikë.

Brenda kësaj kornize, kuadri normative për këto investime është rishikuar nga ministria e energjisë dhe po punohet gjithashtu për të përgatitur mekanizmin për tenderat ndërkombëtarë për impiantet e para në shkallë të gjerë. Njëkohësisht, edhe kuadri i ri i investimeve të huaja, i cili po përpunohet aktualisht, siguron një bazë më të mirë për te përthithur investimet e huaja, duke ofruar një mekanizëm më efektiv për të mundësuar zgjidhjen e çdo problemi përtej çdo nevoje për rekurs në dyert e gjykatave kombëtare apo ndërkombëtare (të garantuar që nga fillimi i viteve ’90).

Ndër të tjera, edhe në lidhje me çështjet më të rëndësishme, tipike të energjive alternative dhe veçanërisht fotovoltaike të lidhura me aspektet tekniko-ligjore, siç është obligimi për t’u lidhur me rrjetin, shkurtimisht investitori shikon ofrimin e garancisë nga ministria nëpërmjet kompanisë publike për lidhjen e sistemit fotovoltaik në rrjetin kombëtar, nëpërmjet një kontrate paraprake me operatorin e rrjetit që në fazën paraprake të përgatitjeve të projektit.

Një kontratë që njëkohësisht garanton blerjen e të gjithë prodhimit për 15 vjet, bazuar në çmimin e vendosur nga Enti Rregullator i Energjisë, duke sanksionuar gjithashtu detyrimin e pagesës ndërmjet palëve. Për më shumë, në këto projekte, tarifa e paparaparë në marrëveshjen e autorizimit është fikse (domethënë e tipit feed-in) dhe shprehet në euro (me saktësisht në 100 euro MWh), duke u dhënë siguri maksimale planeve të biznesit dhe eliminuar çdo rrezik të mundshëm financiar.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0