Tre gjëra që çdo sipërmarrës duhet të bëjë në këtë sezon pushimesh - Business Magazine Albania

Tre gjëra që çdo sipërmarrës duhet të bëjë në këtë sezon pushimesh


Pushimet mund të jenë një periudhë e vështirë për sipërmarrësit. Përveç të gjitha takimeve familjare, pazaret dhe udhëtimet, pronarët e bizneseve duhet të përballen me klientët e hutuar, mungesat e të punësuarve dhe me fundin e vitit.

Sigurisht kjo nuk është gjithmonë një gjë e keqe për biznesin. Në qoftë se ju i bëni gjëra si duhen, kjo periudhë e vitit në fakt mund të jetë një kohë produktive për reflektim dhe rinovim.

Gjej kohë për të reflektuar për vitin e kaluar

Vetëm nëse jeni një shitës me pakicë, pushimet janë një kohë mjaft e ngadalshme e vitit, të paktën nga një perspektivë e biznesit. Mendjet e njerëzve janë në vende të tjera dhe është e vështirë për të bërë më shumë. Në vend që të përpiqeni për të luftuar kundër rrymës, merrni kohë për të reflektuar mbi atë që keni bërë siç duhet dhe ku i keni rënë shkurt gjatë vitit të kaluar.

Vetëdija është ndoshta tipari më i vlefshëm që çdo sipërmarrës mund të nxisë. Ashtu si me çdo aftësi, kjo kërkon kohë dhe përpjekje për t’u zhvilluar. Unë rekomandoj rishikimin e planeve tuaja që nga fillimi i vitit dhe meditoni pak se si e keni mbajtur lart biznesin. Këshilloni anëtarët e ekipit tuaj që të bëjnë të njëjtën gjë.

Kjo nuk ka lidhje vetëm me ecurinë e biznesit; kjo ka lidhje me performancën e organizatës suaj si një entitet që ka jetë dhe merr frymë. Duke marrë kohë për të shqyrtuar dhe vlerësuar shëndetin holistik të biznesit tuaj paguani çmimin dhe mund të filloni një vit të ri më të fuqishëm se asnjëherë.

BodeTree, unë përpiqem të reflektoj sesi ekipi dhe produktet kanë evoluar gjatë vitit. Për ekipin, unë gjithmonë planifikoj një takim çdo fundvit, ku flasim për sukseset, dështimet dhe çdo gjë tjetër. Kjo ndihmon për t’u siguruar se ekipi është në të njëjtën faqe dhe kupton se si çdo gjë që ata bëjnë ka lidhje me të tjerët.

Unë gjithashtu bëj dreka private me sa më shumë nga anëtarët e ekipit tim të jetë e mundur. Kam zbuluar se këto janë mundësi të mëdha për të siguruar që kompania është duke bërë gjithçka që mundet për t’i ndihmuar anëtarët e ekipit të arrijnë qëllimet e tyre profesionale.

Kur bëhet fjalë për produktin, unë gjithmonë bëj një krahasim si ka qenë dhe si ka ndryshuar projektimi  dhe funksionet e tij.

Njihni dhe shpërbleni ekipin tuaj

Duket e çuditshme për mua, por kam zbuluar se shumë pronarë biznesi urrejnë të shpërblejnë anëtarët e ekipit për një punë të bërë mirë. Unë e kuptoj që jo të gjithë mund të përballojnë që të paguajnë shpërblime të mëdha çdo vit, por shpërblimet nuk janë gjithmonë të nevojshme.

Ka shumë mënyra të tjera për të shpërblyer punën e madhe dhe njohjen e përpjekjeve të atyre që zgjedhin të punojnë me ju. Nëse ju nuk mund të përballoni rritjen e kompesimit, rritja në detyrë apo edhe një fjalë e mirë mund të shpërblejë.

Edhe në qoftë se ju nuk keni një ekip të ngushtë, investoni kohë dhe disa të holla për të festuar çdo vit. Një përpjekje e mirëfilltë do të paguajë çmimin kur është fjala për vendosjen e ecurisë për vitin e ardhshëm.

Ndaluni për një moment dhe falënderoni

Sipërmarrja nuk është një udhëtim i vetëm. Ajo ka partnerët, katalizatorët dhe rrjetet mbështetëse. Kjo kohë e vitit është shumë e rëndësishme për mirënjohjën ndaj personave që kanë bërë këtë udhëtim të mundur.

Thuaju faleminderit klientëve tuaj. Dhe jo, kjo nuk do të thotë t’iu dërgosh atyre “një shumëllojshmëri të mishit nga Hickory Farms”. Klientët tuaj janë njerëzit që bëjnë çdo gjë të mundshme, kështu që gjeni një mënyrë të vërtetë për t’iu treguar atyre se sa mirënjohës jeni.

Thojini faleminderit ekipit tuaj. Përsëri, kjo mund të marrë formën e kompensimit shtesë, por ky nuk duhet të jetë gjithmonë rasti. Në BodeTree, ne kemi një traditë të gjatë në shkëmbimin e dhuratave me njëri tjetrin.

Kjo është një mënyrë e këndshme për të ndërtuar një marrëdhënie të mirë dhe i lini njerëzve të kuptojnë se ata ju interesojnë.

Së fundi, sigurohuni t’iu tregoni partnerëve tuaj dhe anëtarëve të familjes vlerësimin tuaj për mbështetjen që u kanë dhënë gjatë vitit të kaluar. Sipërmarrësit përballen me shumë gjëra të vështira dhe pikërisht personat që iu rrethojnë meritojnë falënderimet tuaja.

Mos lejoni që stresi i sezonit t’iu ndalojë të merrni pak kohë për të reflektuar, për të shpërblyer dhe për të falënderuar. Nëse ju i bëni këto gjëra të thjeshta, do ta gjeni veten dhe ekipin tuaj plot energji dhe të gatshëm për të filluar vitin e ri.

 

Shkruar nga Chris Myers për Forbes

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0