Para fillimit të kampionatit europian Euro 2016, Departamenti i Punëve të Jashtme dhe Tregtisë të Irlandës ka lançuar një aplikacion të ri për smartphone për të ndihmuar irlandezët që të udhëtojnë jashtë.
TravelWise ka si qëllim t’i mbajë të sigurtë dhe të informuar irlandezët ndërsa udhëtojnë, sipas Ministrit të Punëve të Jashtme Charlie Flanagan. Aplikacioni përmban këshilla dhe informacione për 200 vende.
“Të gjithë fansat që do të udhëtojnë drejt Euro 2016 ë Francë mund të shkarkojnë aplikacionin dhe të shijojnë Francën, për të marrë azhornime në lidhje me sigurinë në Francë nga departamenti im drejt në telefonin e tyre,” ka thënë ministri.
Ai ka nxitur të gjithë irlandezët që do të udhëtojnë jashtë të përdorin aplikacionin dhe të vendosin sinjale të personalizuara për të marrë azhornimet kudo që të shkojnë.
Lançimi i aplikacionit vjen në kohën kur mijëra fansa irlandezë përgatiten për të udhëtuar në Francë për të mbështetur Republikën e Irlandës në Euro 2016. Nga disa vlerësime thuhet se do të jenë 75,000 njerëz që do të udhëtojnë në Francë mes shqetësimeve për sigurinë pas sulmetve terroriste në Paris dhe Belgjikë në muajt e fundit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
