Pasuria nuk favorizon mirëkuptimin. Përkrah guximin. E megjithatë, shumica prej nesh po presin që të ndodhë diçka para se të ndjekin ëndrrat e tyre.
Në këtë artikull BusinessMag ju sjell disa nga këshillat që duhet të ndiqni kur nisni një sipërmarrje.
- Kur jeni në fillimet tuaja gjeni një mentor
Gjeni një mentor, dikë që admironi në fushën ku doni të përfshiheni dhe ofrojuni që të punoni falas për atë person. Mendoni për këtë si një arsimim pa pagesë. Duke u kthyer pas, para disa shekujsh, mësimi i profesionit ishte kritik për suksesin e dikujt dhe mendoj se koncepti i mësimit të profesionit është shumë i vlefshëm përsëri edhe në ditët e sotme.
- Ju mund të bëni një ndryshim, pa qenë në qendër të vëmendjes
Steve Jobs është portretizuar shpesh nga mediat si një vizionar i madh. Megjithatë, ndërsa Jobs ishte zakonisht në qendër të vëmendjes, Steve Wozniak ka qenë i zënë duke punuar prapa skenave. Ai ndërtoi themelet në background, ndërsa Jobs shiti vizionin për publikun.
Wozniak ishte shumë në rregull me këtë, me një pozicion që nxjerr në pah mësimin: Suksesi nuk ndodh gjithmonë kur je në qendër të vëmendjes. Nëse të dy bashkë-themeluesit e Apple do të kishin luftuar për famën që arriti Jobs, asnjëri prej tyre nuk do e kishte marrë atë. Në fakt, ishin aftësitë e ndryshme që lejuan plotësimin e vizionit të tyre.
Ky nuk është një mësim i lehtë për t’u mësuar. Kur mendoni me të vërtetë se pse po e ndërtoni biznesit tuaj, fama nuk duhet të jetë faktori kryesor i saj. Në vend të kësaj, shmangni egon tuaj që të mos rrezikoni të merrni vendime të gabuara për biznesin.
- Duhet ta bëni me pasion punën tuaj
Kur je duke filluar një biznes të ri, është e rëndësishme që të përqëndroheni në atë që ju pëlqeni. Pastaj gjeni një klient që të blejë produktin tuaj. Mos u shqetësoni në lidhje me madhësinë e tregut. Pasi të testoni biznesin tuaj dhe të përsosni strategjinë, do të gjeni një mënyrë për t’u zgjeruar. Edhe kompanitë më të mëdha në botë fillojnë pikërisht me një vizion të thjeshtë.
- Gjithmonë kërkoni për njohuri
Për të shkuar në më të mirën, duhet të zhvilloni aftësitë tuaja. Rrethojeni veten me njerëz të suksesshëm dhe të qëndrueshëm dhe gjithmonë thithini njohuri si një sfungjer. Mos harroni: askush nuk ka lindur një ekspert, prandaj mos u ndjeni të pasigurtë.
- Asnjëherë mos hiqni dorë
Shumë njerëz mendojnë të tërhiqen para se të arrijnë destinacionin e tyre. Kjo është pjesa ku duhet të jeni kokëfortë dhe të qëndroni gjatë! Nëse ndonjëherë mendoni të hiqni dorë, kthehuni në ato qëllime që keni vendosur në një, dy, pesë, 10 apo 20 vjet. Do e kujtoni veten pse e keni filluar këtë udhëtim të pazakontë.
/BusinessMag
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
