Themeluesi i një startupi 750 milionë $ tregon 3 gjërat e përbashkëta në çdo sipërmarrës

Themeluesi i një startupi 750 milionë $ tregon 3 gjërat e përbashkëta në çdo sipërmarrës


Bashkëthemeluesit e Harry’s Andy Katz-Mayfield dhe Jeff Raider jo vetëm që kanë krijuar një startup të brisqeve për burra duke arritur një milionë konsumatorë dhe kanë arritur një vlerësim prej 750 milionë $ që nga lançimi prej 2013-s, por ata kanë zhvilluar një rrjet me sipërmarrës shumë të suksesshëm prej të cilëve mund të nxjerrin mësime. 

Ja pse vendosën të krijonin H’University, një seri intervistash me këta miq që fillimisht garuan si studentë kolegji dhe të sapodiplomuar, por me mësime biznesi që çdo sipërmarrës do t’i vlerësonte.

Seritë përfshijnë bashkëthemeluesin e Instagram dhe CEO-n Kevin Systrom, CEO-n e J-Crew Mickey Drexler, bashkëthemeluesin Warby Parker dhe CEO-n Neil Blumenthal, dizenjuesen e modës Rebecca Minkoff, themeluesin e Momofuku, David Chang, eksperten e makeup Bobbi Brown dhe restauratorin e famshëm Tom Colicchio.

Raider udhëhoqi të gjitha intervistat e serive, kështu ne e pyetëm rreth gjërave që bashkojnë të gjithë historitë e sipërmarrësve. Ja çfarë thotë ai:

Ata nuk kënaqen kurrë
Sipërmarrësit më të suksesshëm nuk janë kurrë mjaftueshëm të kënaqur me produketet e tyre për të ngadalësuar ritmin e gjërave. Nuk ka perfeksion, thotë Raider.

Chang për shembull, pari një pjatë ‘hit’ ramen (japoneze) kur hapi fillimisht restorantin e tij në 2004-ën, por ai nuk ka rreshtur kurrë së rafinuari atë, duke i shtuar përmirësime të vogla.

Systrom pati të njëjtën qasje me një karakteristikë shumë ndryshe si Instagram. Shërbimi i tij vërtet mund të ketë tani 400 milionë përdoruesë, por ai është në kërkim të vazhdueshëm se çfarë mund të duan përdoruesit e tij, për ta mbajtur shërbimin të freskët dhe për të tërhequr më shumë përdoruesë.

Ata menjëherë shfrytëzojnë mundësitë
Raider tha se të gjithë sipërmarrësit me të cilët kishte biseduar kanë një “motivim jashtëzakonisht të madh personal” që i vendos ata në pozitat për të pasur mundësi për ndryshimin e rregullave të lojës, por ata nuk e humbasin kohën e tyre të çmuar duke vlerësuar mundësitë. Nëse ka një mundësi që duket mirë, ata e marrin pa hezitim.

Brown i tregon Raider se si gjatë fillimit të viteve ’90 ajo bindi një përfaqësuese të Bergdorf Goodman se dyqani duhet të përmbajë makeupin e saj, por ajo nuk mund të mbyllte dot një marrëveshje pasi nuk kishte mundësinë e prodhimit massiv. Rreth asaj kohe, ajo e gjeti veten në një ashensor duke biseduar me një kimiste. Për shkak se dukej e volitshme, ajo i kërkoi kësaj gruaje nëse do të ishte e interesuar në prodhimin e linjës së saj të debutimit. Të dyja gratë u bënë partnere dhe nënshkruan një kontratë Bergdorf në 1991-in. Brown e përdor ende laboratorin origjinal për produktet e saj.

Ata nuk mendojnë se të gjitha rregullat aplikohen te ta
Përpara Harry’s, Raider ka qenë bashkëthemelues i Warby Parker. Kompania ishte ndërtuar në një ndërtesë të thjeshtë: Luxottica mund të zotërojë 70% të tregur botëror të syzeve, por kjo nuk do të thotë se një konsumator mesatar duhet të derdhë qindra dollarë nëse do të ketë syze stil të cilësisë së lartë nga një rishitës i Luxottica. Warby Parker mund të ofronte syze me çmime të përballueshme sepse ata zotëronin mjetet e prodhimit dhe mund t’i shisnin online duke iu ofruar konsumatorëve palë të ndryshme për t’i provuar falas.

Në mënyrë të ngjashme, Systrom tha për Raider se kur po kalonte nga kompania e tij e parë Burbn, e cila ishte e ngjashme me Foursquare, në një aplikacion të shpërndarjes së fotografive, miqtë dhe këshilluesit i thanë atij se aplikacione të tilla janë gjithmonë të avashta dhe të papërshtatshme dhe u përpoqën t’i kthenin mendjen atij. Ai në fakt e pa si një mundësi për një ndryshim nga modelet tipike.

 

/Shkruar nga Richard Feloni, Publikuar në Business Insider.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0