Gjigandi amerikan i makinave elektrike Tesla, deklaroi se është shumë pranë arritjes së nivelit 5 të autonomisë së drejtimit. Lajmin e dha vetë shefi ekzekutiv i Tesla, Elon Musk, në një video gjatë Konferencës Botërore të AI (Inteligjencës Artificiale) në Shanghai.
Musk përsëriti se prodhuesi i automjeteve elektrike ka zgjidhur shumicën e sfidave thelbësore drejt arritjes së autonomisë së Nivelit 5, ose thënë ndryshe një automjet me vetë-drejtim, që nuk ka nevojë për njeri pas timonit. Shefi i Tesla dhe SpaceX ripohoi kështu një synim të shprehur për herë të parë në vitin 2019.
“Jam i sigurt se funksionalitetet bazike të nivelit 5 do të mbërrijnë këtë vit”, tha Musk. “Nuk ka sfida thelbësore.”
Tesla po garon me prodhuesit e makinave dhe kompanitë teknologjike përfshirë Alphabet Ëaymo dhe Uber Technologies po investojnë miliarda në industrinë e makinave autonome.
Kompania synon të arrijë kulmin e industritë duke sjellë makinën e parë tërësisht pa shofer. Pandemia e COVID-19 e ka forcuar këtë çështje, duke e bërë thelbësore distancën sociale.
Tesla u bë pak ditë më parë prodhuesi i makinave me vlerën më të lartë në botë duke parakaluar edhe Toyotën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
