Pronarët që zotërojnë një Tesla tani mund të regjistrohen për të patur në makinat e tyre software e kompanisë “Full Self-Driving”, në vend që të paguajnë paraprakisht për të.
Tesla ka njoftuar mënyrën e re të pagesës, duke u dhënë klientëve një alternativë për të mos paguar 10,000 dollarë për të përfshirë “Full Self-Driving” në funksionin e makinës së tyre.
Në faqen e internetit të Tesla thuhet se abonimi nuk është një angazhim afatgjatë dhe klientët mund ta anullojnë atë “në çdo kohë”.
Siç paralajmëron Tesla në faqen e saj, modaliteti “Full Self-Driving” nuk e bën një automjet plotësisht autonom. Karakteristikat e mundësuara aktualisht kërkojnë një shofer plotësisht të vëmendshëm, i cili i ka duart në timon dhe është i përgatitur të marrë përsipër drejtimin në çdo moment.
Tesla lançoi një version beta të ri të softuerit të saj Full Self-Driving këtë muaj. Ndërsa është në gjendje të kontrollojë makinën në disa situata, ajo përsëri bën gabime. Në fillim të këtij muaji, CEO Elon Musk u bëri thirrje klientëve “ju lutemi të jeni paranojak” kur përdorni këtë.
Lexoni: Aksidenti fatal nga metoda “pa shofer”, Tesla humbet vlerën e aksioneve në bursë
Tesla është vënë në kritikë për programin e saj Autopilot, i cili përfshin Vetë-Drejtimin e Plotë (Full Self-Driving). Është paditur nga familja e një djali 15-vjeçar i cili u vra në një aksident me makinë ku njëra nga makinat ishte Tesla me Autopilot të aktivizuar. Tesla është gjithashtu nën vëzhgim nga ligjvënësit, pasi Administrata Kombëtare e Sigurisë së Trafikut në Autostradë (NHTSA) njoftoi në qershor se po fillon një hetim mbi rolin e Autopilotit në 30 përplasje.
Kompania gjithashtu është nën vëzhgim të fortë për faktin që në prill dy njerëz vdiqën në një përplasje të fortë me makinat e tyre Tesla dhe policia tha se askush nuk ishte pas timonit. Elon Musk kundërshtoi se asnjë funksionalitet i Autopilotit nuk ishte aktivizuar në kohën e përplasjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
