Një aksident i ndodhur të dielën në Texas të SHBA-së, nga një makinë Tesla elektrike që po lëvizte pa shofer, uli vlerën e kompanisë me 2% në më pak se 24 orë. Aksidenti shkaktoi 2 humbje jete dhe flakë të mëdha që nuk mundën të fikeshin për më shumë se 4 orë. Njëri nga viktimat ndodhej në sediljen e pasagjerit dhe tjetri në pjesën e pasme të makinës duke nënkuptuar që askush nuk po i jepte makinës.
Zyrtarët federalë kanë kritikuar dhe fajësuar Tesla-n për zjarre dhe më parë që sipas tyre shkaktohet nga bateria në masë të madhe. Gjithashtu, kompania është përballur me kritika të shumta për mungesën e një trajnimi të klientëve që metoda e udhëtimit “pa shofer” i makinës elektrike nuk përdoret vend e pa vend.
Ndërkohë, paraditen e së dielës, drejtori i Tesla, Elon Musk, njoftoi se të udhëtosh me një mjet të Tesla-s je 10 herë më shumë i sigurt se sa me një makinë me lëndë djegëse.
Tesla with Autopilot engaged now approaching 10 times lower chance of accident than average vehicle https://t.co/6lGy52wVhC
— Elon Musk (@elonmusk) April 17, 2021
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
