Të jesh punonjës i suksesshëm edhe pse larg. Ja aplikacionet dhe instrumentat që do t’ju ndihmojnë


Të punosh nga larg, ka shumë avantazhe, por nga ana tjetër e gjithë përgjegjësia bie mbi ju, për të motivuar veten të jeni produktiv dhe të organizuar. Çdo person është individualisht përgjegjës për kryerjen e punës brenda afateve të caktuara dhe të qëndruarit të fokusuar gjatë gjithë rrugëtimit të punës së tyre.

Për këtë ju vlejnë disa aplikacione dhe instrumenta, të cilat do ta bëjnë këtë rrugëtim më të thjeshtë dhe komod për ju, duke ju sigururar një ditë pune më të lirshme dhe produktive.

1.Doodle

Jeni të lodhur nga ndryshimet e orareve, që vijnë si pasojë e personave nga zona të ndryshme të botës? Doodle krijon një pyetësor, në të cilin çdo pjesëtar i skuadrës ka mundësinë të zgjedhë orarin që atij i përshtatet.

Mjafton të dërgoni URL e Doodle tek pjesëtarët tuaj dhe mund t’u jepni fund e-maileve të shumta.

2.Croissant

Wshtë e vështirë të mbani kokën ulur dhe të vazhdoni të punoni, kur jeni duke udhëtuar në qytete të ndryshme. Gjetja e një vendi perfekt për të punuar është e vështirë dhe Croissant ju vjen në ndihmë për këtë. Me anë të tij, ju do mësoni vendndodhjen e hapësirave të punës, ku do të keni mundësi të takoheni me profesionistë të tjerë dhe të zgjeroni rrjetin tuaj.

  1. Asana

Puna me pjesëtarë që jetojnë në qytete, madje dhe shtete të ndryshme, bëhet e vështirë. Asana ju ndihmon në krijimin e një “mjedisi pune” të përbashkët. Komunikimi bëhët më i lehtë dhe gjithashtu mund të ndani detyra të ndryshme, shpërndani dokumente përkatës, si dhe të vendosni afatet për projekte të ndryshme.

Asana ju lejon të jeni në kontakt gjatë gjithë kohës me rrjedhën e projekteve tuaj, gjë që ju mundëson dhe mënjanimin e rreziqeve të punës që ndodhin në këto raste.

4.Slack

Të gjithë jemi të njohur tashmë me bisedat e pafundme me anë të emaileve, të cilat në fund të ditës rezultojnë në komunikim të zgjatur dhe aspak produktiv. Me anë të Slack, ju do të keni mundësinë e komunikimit dhe shpërndarjes së informacioneve të ndryshme në kohë reale.

Gjithashtu, ju mund të krijoni kanale specifike komunikimi, me qëllim një organizim më të mirë dhe një komunikim më efiçent midis pjesëtarëve të skuadrave për projektin në fjalë.

Ergys Kosovrasti

INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale