Pas miratimit të ligjit të startup-eve në parlamentin e Shqipërisë, Ministria për Mbrojtjen e Sipërmarrjes në bashkëpunim me AlbaniaTech organizoi ditën e martë, 29 Mars 2022 një takim të hapur për startup-et.
Në këtë takim u diskutuan hapat e mëtejshëm dhe idetë mbi aktet nënligjore mbështetëse të ligjit të startup-eve. Një pjesë e madhe e startup-eve të ekosistemit, por jo vetëm u bënë pjesë, të gatshëm për të shprehur nevojat e tyre si biznese në hapat e parë të zhvillimit.
Migena Muslli, Drejtoreshë Inovacioni dhe Projektesh në agjencinë AIDA, tashmë edhe pjesë e ekipit të ministres Edona Bilali, bëri një shpjegim të detajuar mbi aktorët, të cilët janë pjesë e ligjit dhe kategoritë e ndryshme që do të përfitojnë mbështetje dhe grante nga fondi i qeverisë. Ajo shpejgoi se ndarja për kategoritë e startup-eve është momentalisht e parashikuar si:
- Startupe në faza të herëshme (Early-Stage)
- Startup-e në fazën e rritjes, ku bëjnë pjesë ato startup-e, të cilët janë të regjistruar në QKB prej maksimalisht 1 viti.
- Startup-e në zgjerim, ku bëjnë pjesë startup-e, të cilët kanë operuar në treg për një periudhë 1-3 vjeçare.
Shumë pika diskutimi u paraqitën nga pjesëmarrësit përsa u përket proceduarve të financimit, të regjistrimit si dhe kritereve të pranimit për mbështetje financiare, por jo vetëm. Themeluesit dhe drejtuesit e startup-eve dhanë mendimet e tyre në përmirësimin e ligjit dhe akteve nënligjore të tij.
Ministria, Edona Bilali, u shpreh se takimet me të gjithë aktorët do të vazhdojnë në vijim të një përpjekjeje të përbashkët për të çuar përpara ekosistemin. Një takim i dytë me startup-et gjithashtu është në diskutim, për shkak të interesit të treguar në këtë takim. Vazhdoni të ndiqni Business Magazine për të qëndruar të përditësuar me informacione të reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
