Të mërkurën është mbajtur ceremonia përmbyllëse në kuadër të projektit të financuar nga Bashkimi Europian, “Zhvillimi i inovacionit dhe sipërmarrjes në rajonin ndërkufitar të Kosovës dhe Malit të Zi, programi CBC Kosovë-Mali i Zi”, implementuar nga STIKK dhe Syri i Vizionit.
Aty u theksuan të gjitha aktivitetet dhe rezultatet e suksesshme të projektit, duke i paraqitur ato para të ftuarve të respektuar dhe pjesëmarrësve të pranishëm.
Në këtë ceremoni pjesëmarrës ishin përfaqësues nga Komisioni Europian- Zyra në Prishtinë, Zëvendësministri i Punës dhe Mirëqenies Sociale, Safet Kamberaj, Zyrtarë të Komunës së Istogut dhe përfaqësues të shoqërisë civile, Media dhe përfituesit e granteve.
Kjo shënon përfundimin e projektit dhe ne do të vazhdojmë të mbështesim vazhdimisht të gjithë të rinjtë në idetë e tyre të reja në drejtim të zhvillimit të turizmit në Istog dhe rajonit të Dukagjinit.
Në kuadër të projektit të financuar nga Bashkimi Europian, “Zhvillimi i inovacionit dhe sipërmarrjes në rajonin ndërkufitar të Kosovës dhe Malit të Zi, programi CBC Kosovë-Mali i Zi”, implementuar nga STIKK dhe Syri i Vizionit, i cili ka pasur për qëllim mbështetjen e të rinjve që t’i përgatisin të kontribuojnë në zhvillimin e sektorit të turizmit përmes përdorimit të teknologjisë dhe të njëjtën kohë të ndikojnë pozitivisht në zhvillimin e ekonomisë.
burimi: Telegrafi
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
