Taksitë ujore, startupi më i ri në ujërat e Francës

Taksitë ujore, startupi më i ri në ujërat e Francës


Francezi i apasionuar pas jahteve, Alain Thebault kërkon ta përdorë dizajnin e mjetit lundrues me të cilin vendosi rekord në vitin 2009 për të krijuar një shërbim të pastër e të shpejtë taksish në kanalet e lundrueshme të qyteteve kryesore të vendit.

Lexoni: Parisi do të sjell taksitë fluturuese në vitin 2017

Ai e quan SeaBubbles “start-up”-in që ka marrë tashmë mbështetjen e investitorëve privatë. Falë tyre, Thebault pret të grumbullojë 50 deri në 100 milionë euro brenda fundit të shtatorit.

Prototipi i SeaBubbles e ruan baterinë e tij përmes lëvizjes me shpejtësi mbi ujë me dy zgjatime në formë këmbësh. Aplikacionet e tij në “smartphone” ngjasojnë me ato të shërbimeve të tjera të rregullta të taksive siç është Uber, ndërsa qëllimi është që të mësyjë tregun duke i dhënë fund ngërçeve të mëdha të trafikut në qytetet franceze.

Entuziazmin e saj ndaj idesë së Thebault, kryetarja e Bashkisë së Parisit, Anne Hidalgo, e shfaqi në muajin qershor, kur bëri një xhiro me taksitë ujore. Por, i vetmi shans i Bubble për të operuar në kryeqytet është që autoritetet të rrisin limitin e shpejtësisë në lumin Senë, në mënyrë që mjeti i ri të lëvizë aq shpejt sa duhet për tu ngritur mbi ujë.

Sipas Thebault, edhe 5 qytete të tjera janë të interesuara në eksplorimin e mundësive që SeaBubbles të bëhet pjesë e sistemit të tyre të transportit.

/Reuters

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0