Superkompjuteri japonez më i shpejtë në botë

Superkompjuteri “Fugaku”, i zhvilluar nga Instituti japonez i Kërkimeve “Riken” në partneritet me kompaninë japoneze të informatikës “Fujitsu”, fitoi çmimin si superkompjuteri më i shpejtë në botë, njoftoi sot instituti. “Fugaku” kryesoi renditjen e fundit në faqen e specializuar Top500, duke hequr nga froni superkompjuterin amerikan “Summit”, i zhvilluar nga “IBM” dhe i instaluar në Laboratorin kombëtar të Fizikës Bërthamore në Oak Ridge, Tenesi.

Shpejtësia e “Fugaku”-t (një tjetër emërtim për malin Fuji, në japonisht) është rreth 2,8 herë më e madhe se e “Summit”-it, ose 415,53 petaflopë kundrejt 148,6 petaflopë. Një petaflop korrespondon me një milion miliardë operacione për sekondë.

Fugaku nuk pritet të vihet 100% në shërbim deri në vitin 2021, por tashmë ka filluar të përdoret në hulumtimet mbi COVID-19, në veçanti duke modeluar mënyrën se si mund të shpërndahen piklat nga frymëmarrja në një zyrë të mbushur me njerëz ose në tren kur dritaret janë të hapura.

Gjithashtu, sipas institutit “Riken”, në plan afatgjatë, pritet që ai të kontribuojë në hulumtimin e barnave të reja, zgjidhjeve të reja energjetike dhe industriale, në simulimin e katastrofave natyrore apo edhe në kërkime themelore mbi universin. Përveç Top500, Fugaku zuri vendin e parë në renditjen Graph500, HPCG dhe HPL-AI – është hera e parë që një superkompjuter është renditur njëkohësisht i pari në këto katër renditje, shtoi Riken.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale