Studiuesit izraelitë të Universitetit Technion në Haifa së fundi kanë deklaruar se kanë shpikur një maskë, që mund të zhdukë koronavirusin.
Sipas tyre, kjo do të ndodhë nëpërmjet nxehtësisë që do të vijë nëpërmjet një karikuesi telefoni. Studiuesit thonë se procesi zgjat vetëm 30 minuta ndërkohë kanë shtuar se maska nuk duhet të vendoset gjatë kohës që ajo po karikohet. “Procesi i dezinfektimit zgjat rreth 30 minuta dhe përdoruesit nuk duhet ta veshin maskën ndërkohë që po karikohet,” tha profesori Yair Ein-Eli, i cili drejtoi ekipin hulumtues.
Lexoni: Debati mbi përdorimin e maskave
Maska e re ka një portë USB-je, ku lidhet me një burim energjie, i cili nxeh një shtresë të brendshme të fibrave të karbonit deri në 70 gradë celsius, që është mjaftueshme për të vrarë viruset. Ein-Eli tha se maskat njëpërdorimshme, që janë në kërkesë të madhe në të gjithë botën, nuk janë ekonomike për mjedisin.
“Duhet të jetë shumëpërdorimshe dhe kjo është zgjidhja jonë”, tha ai. Maska duket si një maskë standarde N95, me një valvul në krye dhe fasha gome, për të qëndruar në kokë.
Hulumtuesit thonë se po diskutojnë për tregtimin e produktit me sektorin privat dhe me shumë gjasa do të shitet me një çmim shtesë prej 1 dollarë në krahasim me maskën normale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
