Studentët shqiptarë të programit “Seeds for the Future” nga Huawei marrin pjesë në samitin e talenteve digjitale në Helsinki - Business Magazine Albania

Studentët shqiptarë të programit “Seeds for the Future” nga Huawei marrin pjesë në samitin e talenteve digjitale në Helsinki

talenteve digjitale

Dy studentë nga Shqipëria që kanë ndjekur programin ndërkombëtar intensiv 8-ditor “Seeds for Future” gjatë muajit maj, kanë qenë të ftuar në samitin e organizuar nga Huawei për talentet e reja në Helsinki. Mes shumë studentëve të tjerë të përzgjedhur nga e gjithë bota ata shkëmbyen eksperiencat e tyre lidhur me teknologjinë dhe novacionin. Ky program i talenteve të reja u cilësua si programi kryesor që ka ndikuar në zhvillimin e talenteve të reja digjitale dhe përmirësimin e TIK-ut.

Nga programi “Huawei Seeds for the Future 2021” kanë përfituar 25 studentë shqiptarë të cilët u certifikuan nga vetë gjiganti i teknologjisë botërore. Rea Deda dhe Albion Hoxha ishin dy të përzgjedhurit pjesëmarrës në samitin e mbajtur në Helsinki dhe nëpërmjet rrjeteve sociale kanë shprehur opinionin e tyre lidhur me eksperincën e kaluar.

“Dua të falenderoj Huawei për mundësinë që na dha dhe i jam shumë mirënjohëse. Takimi me sipërmarrës të mëdhenj, inxhinierë dhe studentë të talentuar nga vende të ndryshme më inkurajoi të vazhdoj të mësoj dhe të rris një version më të mirë të vetes”- shprehet Rea.

Ndërsa Albioni shkruan: “Faleminderit për ftesën Huawei Talent Summit. Ishte kaq e vlefshme për të marrë njohuri dhe për të diskutuar rreth teknologjisë në Evropë. Në të njëjtën kohë ishte edhe shumë argëtues krijimi i kontakteve të drejtpërdrejta me shumë sipërmarrës, zhvillues dhe botues në Evropë.”

Gjatë samitit të Huawei të mbajtur në Helsinki, përpos arritjeve të kompanisë në programet e kultivimit të talenteve, tema kryesore që u diskutua ishte zgjidhja e sfidave të së ardhmes si: boshllëku i aftësive digjitale, mungesa e talenteve të TIK-ut, barazia dhe qëndrueshmëria. Pjesë e samitit ishin më shumë se 80 studentë, përfaqësues nga startup-et, OJQ-të, konsulencat dhe universitetet nga e gjithë Evropa.

Huawei është  përkushtuar të zhvillojë talentet në fushën e TIK-ut dhe digjitalizimit në çdo vend ku operon. Në vitin 2008, Huawei filloi të nisë programe të ndryshme të zhvillimit të talenteve, duke përfshirë bursa, konkurse teknologjike dhe trajnime për aftësitë digjitale. Që atëherë, Huawei ka investuar mbi 130 milionë euro në këto programe, duke përfituar më shumë se 1.54 milionë njerëz nga më shumë se 150 vende në mbarë botën.

Kompania ka vendosur të bashkëpunojë me partnerët evropianë për të zhvilluar talentet më të mira digjitale dhe për të kapërcyer ndarjen digjitale. Nëpërmjet programeve të tilla si “Huawei Seeds for the Future”, “AI Academy” dhe “HUAWEI CLOUD Academy”, Huawei synon t’i ndihmojë njerëzit të kuptojnë njohuritë më të fundit të industrisë së TIK-ut, duke mbjellë farat e një të ardhmeje digjitale të lulëzuar. Gjiganti botëror është tejet aktiv edhe në vendin tonë që prej vitit 2008 kur ka nisur të ofrojë shërbimet e saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0