Stop me kriza! Letra e sipërmarrësve drejtuar politikës


Në një shtet të vogël, apo në tregun global, humoret e politikës rëndojnë njësoj mbi sipërmarrjen private dhe çdo qytetar. Ditët e fundit më shumë se 170 kompani të përmasave ndërkombëtare i kanë nisur një letër të hapur presidentit të SHBA-ve Donalt Trump, duke e ftuar të rimendojë edhe një herë vendimet e tij për tregtinë me Kinën. Ata thonë se ky vendim ka rritur taksat e tarifat e tyre.

Në një cep më të vogël të botës, në Shqipërinë me më pak se 3 milionë banorë, grupimi i sipërmarrjeve të të gjithë sektorëve të ekonomisë i drejtohet politikës po ashtu me një letër të hapur.

Forumi i Dhomave të Tregtisë dhe Shoqatat e Sipërmarrjes private u kanë bërë thirrje drejtuesve politikë në vend të ulin tensionet politike pasi po krijohet një kosto e lartë në ekonomi.

Të shqetësuar nga situata politike, ata u kërkojnë liderëve të partive të gjejnë ZGJIDHJE pa humbur kohë.

“Përvoja nga krizat e mëparshme që ka kaluar vendi ynë gjatë 30 viteve, kanë treguar se gjithmonë është gjetur një zgjidhje, por diferenca është tek kohëzgjatja dhe fatura e paguar. Faturë që e kanë paguar dhe vijojnë ta paguajnë konsumatorët, taksapaguesit dhe e gjithë ekonomia shqiptare”, thuhet në deklaratën e përbashkët të tyre.

Sipërmarrit theksojnë se ka një stepje të shpenzimeve dhe investimeve nga konsumatori vendas dhe investitorët si vendas dhe të huaj.

“Në këtë situatë të krijuar, më shumë nga të gjithë po cënohet sipërmarrja private, si kontribuesi kryesor i zhvillimit ekonomik të vendit, me 85% të prodhimit të përgjithshëm vjetor (GDP) dhe  me punësimin. 9 në 10 shqiptarë sot punojnë në sipërmarrjen private”, thuhet në deklaratën e Forumit.

Në mënyrë që të vijojë prodhimi, ruajtja dhe gjenerimi i vendeve të reja të punës, sipërmarrja sot më shumë se kurrë, ka nevojë për politikat e duhura dhe stabilitetin politik, për të krijuar një mjedis të sigurtë dhe inkurajues për investime.

Shenjat dhe sinjalet e para për shkak të krizës politike janë të dukshme, sipas tyre, në të gjithë sektorët e ekonomisë së vendit, ndërsa duket edhe më e rëndë për turizmin në prag të fluksit të lartë të tij.

“Gjithmonë është e mundur një zgjidhje pa kaluar në përkeqësim. Apeli ynë ndaj elitës politike është që mosmarrëveshjet që keni, zgjidhini duke demonstruar një sjellje të përgjegjshme dhe duke patur në mendje jo interesin e ngushtë partiak dhe të pushtetit, por interesin e shqiptarëve dhe të vendit”, thuhet në forum.

Në letër thuhet:

Në një situatë të tillë politike të krijuar, i sjellim ndërmend klasës politike se:  

-Biznesi vendas dhe i huaj apelon për stabilitet politik, i cili i shërben klimës së mirë dhe qëndrueshmërisë ekonomike të vendit.

-Klima e tensionuar politike ndikon negativisht për të gjithë ato që kanë në planet e tyre  të investojnë në Shqipëri dhe se:

“Sipërmarrja beson vetëm te ligjshmëria dhe dialogu, i cili sjell normalitet, zhvillim dhe integrim!”, mbyllin letrën e tyre grupimet e biznesit.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale