Startup në Gjirokastër? Hapet thirrja për aplikim deri më datë 15 Janar - Business Magazine Albania

Startup në Gjirokastër? Hapet thirrja për aplikim deri më datë 15 Janar

Fillon cikli i parë i aplikimeve për startupet nga Argjiro Innovation Hub, e cila ka hapur thirrjen për aplikime për startup-e. Prezantimi i idesë nga ana e të rinjve, do të shoqërohet me inkubim dhe mentorim.

Bordi i Qendrës së Inovacionit në Shqipëri fton të gjithë studentët, kërkuesit shkencor, stafin akademik dhe sipërmarrësit në rajonin e Gjirokastës ose në diasporë të aplikojnë idetë e tyre për ciklin e parë të krijimit të Ekosistemit të startapeve në Gjirokastër. Të gjithë pjeskëmarrësit do të përfitojnë trajnime profesionale dhe mbështetje nga mentorët e Qendrës që të sjellin idenë e tyre në treg sa më shpejt.

Dhjetë (10) grupe do të përzgjidhen për një cikë intensiv trajnimesh, këshillimesh dhe mentorim për 3 muaj.

Në kuadër të projektit INECO, i cili është një projekt i mbështetur financiarisht nga Fondet e Komisionit Evropian, hapen thirrjet për aplikim për kategoritë në vijim:

  • Mbështetja e startup-eve;
  • Bizneseve;
  • Thirrje për mentorë.

Qëllimi i këtij projekti është të nxisë inovacionin duke mbështetur me njohuri, trajnim dhe rrjetëzim idetë e biznesit dhe startup-et në zonën ndërkufitare ndërmjet Greqisë dhe Shqipërisë.

Fazat e aplikimit?

Aplikimet për startup-e janë të hapur deri më datë 15 janar 2021 në link-un në vijim: https://cutt.ly/0h3tESd

Mund të aplikojë kushto që ka  një ide biznesi/ startup që ju përket  fushave në vijim:

  • TIK;
  • Turizëm;
  • Produkte artizanale;
  • Agrobiznes;
  • Kulturë, dizajnë;
  • Tjetër .

Çfarë përfitojnë startup-et?

Startup-et që do të përzgjidhen do të përfitojnë edhe nga pjesëmarrja në konkurse kombëtare dhe ndërkombëtare për fonde dhe partneritet.

Trajnim të vazhdueshëm nga Rrjeti i Mentorëve  dhe Trajnuesve të Argjiro Innovation  Hub, për 12 seanca duke përfshirë këtu trajnim në fushat: planin e biznesit, menaxhim financiar, plani marketing duke përfshirë marketingun dixhital, burime njerëzore duke u fokusuar tek punësimi i talenteve, pronësia intelektuale, krijimi i një prototipi, prezantimi i idesë së biznesit/ startup-ut, etj.

Trajnimet dhe mentorimet në grup ose mentorimet individuale janë falas dhe të mbështetura nga Qendra.

Çfarë përfitojnë bizneset?

Në kuadër të projektit ACCEL: “Përshpejtuesi i sipërmarrjeve ekzistuese” hapen thirrjet për aplikim për bizneset në rajonet e Gjirokastrës, Vlorës, Korçës.

Nëse jeni një biznes i konsoliduar në këtë rajon dhe dëshironi të testoni produkte/ shërbime të reja ose të zgjeroni biznesit tuaj Qendra e Inovacionit mbështet bizneset që janë anëtarë ë qendrës me: mentorim, këshillim dhe trajnim profesional individual për çdo sipërmarrje si dhe takime me rrjetin tonë të sipërmarrësve që operojnë aktualisht në këtë rajon dhe që kanë eksperiencë në sektorë të ndryshëm.

Për t’u bërë pjesë e Qendrës së Inovacionit plotësoni formularin në vijim: https://cutt.ly/Fh3tO0w

Afati i fundit i aplikimit për bizneset është data 15 janar 2020.

Trajnimet dhe mentorimet në grup ose mentorimet individuale janë falas dhe të mbështetura nga Qendra.

Aplikime për mentorë dhe trajnues

Me synimin për të zgjeruar dhe diversifikuar rrjetin e mentorëve “Argjiro Innovation Hub” ka hapur thirrjen për aplikim për mentorët, që kanë eksperiencë në mentorim dhe trajnimin  e startup-eve në disiplina si: hartimin e planit të biznesit, TIK, marketing dixhital, pitching, etc.

Startup-et të cilat do të mentorohen janë të industrive: TIK, agro-turizëm, turizëm, produkte artizanale, etj.

Aplikimi për mentorë është i hapur deri më datë 15 janar 2020. Për të aplikuar klikoni në linkun në vijim: https://cutt.ly/Nh3tSLS

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0