Startup-et më të mëdha të Evropës po ndajnë më shumë kapital për punonjësit për të arritur nivelin e pasurisë së Silicon Valley - Business Magazine Albania

Startup-et më të mëdha të Evropës po ndajnë më shumë kapital për punonjësit për të arritur nivelin e pasurisë së Silicon Valley

kapital

Për dekada të tëra, startup-et e teknologjisë në Silicon Valley kanë shpërblyer punonjësit e tyre me grante aksionesh dhe opsione aksionesh.

Opsionet e aksioneve janë kur një kompani u ofron punonjësve të saj një numër të caktuar të aksioneve për një çmim të caktuar, të cilat mund të shiten dhe blihen përpara një date të caktuar.

Punonjësit e hershëm të Uber, Snap dhe Slack ishin të parët në radhë duke përfituar kur kompanitë e tyre u bënë publike. Në fillim të nëntorit, kompania Expensify u kthye në publike duke bërë që 40% e punonjësve të saj të ktheheshin në milionerë.

Kjo kulturë e shpërblimit të bazuar në aksione është më e rrallë në mesin e startupeve evropiane, por  gradualisht duket se kjo gjë po fillon të ndryshojë.

Një studim nga firma Index Ventures ka treguar se kapitali i rezervuar për stafin në startup-et europiane, për herë të parë po i afrohet niveleve të SHBA-së.

Studimi zbuloi se startup-et europiane në çdo fazë të rritjes kanë ndarë një pjesë më të madhe të kapitalit për punonjësit gjatë pesë viteve të fundit.

Lexoni: AlbaniaTech, 100 ditët e para të platformës së startup-eve dhe inovacionit në Shqipëri

Startup-et europiane tani ndajnë ndërmjet 15% dhe 17% të kapitalit për punonjësit në Serinë D, duke iu afruar 20% deri në 23% që ndajnë startup-et në SHBA.

“Në Evropë, nuk kishte shumë kompani teknologjike të suksesshme dhe punonjës, të cilët mund të fitonin para nga aksionet e këtyre kompanive, kështu që njerëzit nuk e konsideronin seriozisht këtë opsion”, tha Martin Mignot, një investitor në Index.

“Rrjedha e kapitalit e ka bërë tregun më konkurrues, kështu që pronësia e punonjësve është tani një hap i rëndësishëm në tërheqjen e talenteve larg pagave të korporatave, ndërsa punonjësit e teknologjisë kanë fituar më tepër njohuri mbi këtë mundësi, pasi kanë parë bashkëmoshatarët e tyre në Deliveroo dhe Wise të pasurohen nëpërmjet kësaj metode”, shtoi Mignot.

Pavarësisht trajektores në rritje, grupet evropiane janë ende mesatarisht 3 pikë përqindje më të vogla se ato në SHBA. Punonjësit në role teknike dhe drejtuesit me përvojë në të gjitha funksionet e kompanive të tyre, kanë përfituar më shumë.

Index Ventures ka vënë në dukje politikat e ndryshueshme tatimore në Evropë si një arsye pse rajoni ka mbetur prapa SHBA-së. Politikëbërësit kanë ende një rol të rëndësishëm në mbështetjen dhe nxitjen e pronësisë së punonjësve.

/Business Insider 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Një lider i mirë merr më shumë faj dhe më pak lavdi.”
— Arnold H. Glasow
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0