Start Smart, programi i trajnimit profesional që synon të formojë 20 mijë punëkërkues - Business Magazine Albania

Start Smart, programi i trajnimit profesional që synon të formojë 20 mijë punëkërkues

~3 minuta lexim


Start Smart janë kurset e reja të formimit profesional të nisura në muajin nëntor të vitit të kaluar me mbështetjen e programit Gjerman në Shqipëri GIZ. Në një vizitë të zhvilluar në Qendrën e Formimit Profesional nr. 4 në Tiranë, Ministrja e Financave Anila Denaj tha se përmes këtyre kurseve, po synohet të organizohet një qasje më e mirë e punëkërkuesve në profilet e punës në të ardhmen. Objektivi është që të trajnohen rreth 20 mijë punëkërkues.

Qendra e Formimit Profesional n.4 ofron 47 kurse në: elektronikë, mekanikë, IT, grafik dizajn, etj., fusha, në të cilat tregu i punës ka më shumë kërkesë.

Lexo: Ja disa nga “Bletët e Arta”. Sipërmarrja në turizëm që po mbështet formimin profesional

Sipas ministres Denaj, përmes kualifikimit në 4 muaj realizohen përshtatshmëritë e teorisë dhe praktikës në baza të harmonizuara dhe në marrëveshje me biznesin.

Programi Start Smart po ofrohet në të gjitha zonat ku ka zyra të punës. “Ka një bashkëpunim me zyrat e punës dhe me qendrat e formimit, në mënyrë që të përshtaten sa më mirë nevojat me dijen dhe me tregun e punës. Objektivi ynë është trajnimi i 20 mijë punëkërkuesve, pothuajse 1/3 e fuqisë punëtore, e cila është në kërkim të punës në të gjithë Shqipërinë”, tha ministrja.

Në Qendrën e Formimit Profesional nr. 4 ka çdo ditë 850 kursantë, të regjistruar në kurse të ndryshme. Vitin e kaluar, sipas të dhënave të qendrës, u certifikuan 2800 kursantë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0