Kompania tha se do të sigurojë trajnimin për të parandaluar diskriminimin racor për 175,000 punonjës në të gjithë Shtetet e Bashkuara në pasditen e 29 majit dhe do të vazhdojë trajnimin për të gjithë punonjësit e ardhshëm. Kurrikula do të zhvillohet në konsultim me një numër organizatash dhe figurash të shquara afrikano-amerikane, përfshirë Bryan Stevenson, themelues dhe drejtor ekzekutiv i Iniciativës për Barazi; Sherrilyn Ifill, presidente dhe këshilltare e NAACP Legal Defense and Education Fund; dhe ish-Prokurori i Përgjithshëm i SHBA, Eric Holder.
Dy meshkujve në qendër të incidentit ishin duke pritur brenda Starbucks për një mikun e tyre me ngjyrë të bardhë të Enjten, por nuk porositën asgjë. Më pas atyre ju kërkuan të largoheshin. U thirr policia dhe i arrestoi. Në një video të postuar në Twitter, klientë të tjerë u ankuan pasi dy meshkujt sipas tyre nuk kishin bërë asgjë të gabuar. Arrestimet nxitën protesta dhe thirrje për të bojkotuar Starbucks.
CEO i Starbucks, Kevin Johnson ka kërkuar ndjesë për incidentin. Johnson tha për incidentin në një video të postuar të Dielën, “Kjo nuk është ajo që ne jemi dhe ajo që ne do të jemi. Ne do të mësojmë nga kjo dhe do të bëhemi më të mirë.“Ai madje i ka takuar që nga incidenti të dy personat.
“Ditët e fundit i kam kaluar në Philadelphia me ekipin tim udhëheqës duke dëgjuar komunitetin, duke mësuar se çfarë kemi bërë keq dhe hapat që duhet të ndërmarrim për ta rregulluar,” tha Johnson në një deklaratë të martën. “Edhe pse kjo nuk është një çështje e kufizuar në Starbucks, ne jemi të përkushtuar për të qenë pjesë e zgjidhjes. Mbyllja e dyqaneve tona për trajnimin kundër paragjykimeve racore është vetëm një hap drejt udhëtimit final.”
Trajnimi synon të vendosë theksin tek parandalimi i diskriminimit racor dhe të sigurojë që stafi t’i bëjë të gjithë në dyqanet Starbucks të ndihen të sigurtë dhe të mirëpritur. Kompania do t’i vendosë materialet e trajnimit në dispozicion edhe të kompanive të tjera.
burimi: fortune
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
