Kompania e raketave të miliarderit Elon Musk, SpaceX thuhet se përfundoi një raund për mbledhjen e fondeve prej 850 milionë dollarë javën e kaluar, pasi duket se do të mbledhë kapital për projektet e tij ambicioze Starlink dhe Starship. Lajmi për financimin u raportua së pari nga CNBC, i cili tha se kompania private tani do të ketë një vlerësim prej rreth 74 miliardë dollarë, duke cituar njohës të financimit. Kompania mblodhi fonde të reja me 419,99 dollarë për aksion, për CNBC. Ky çmim është vetëm një cent nën 420 dollarë për aksion, potencialisht një referencë për postin famëkeq të Elon Musk në Twitter në 2018, kur ai bëri shaka se do ta bënte Tesla-n private tek 420 dollarë-shi me “fonde të siguruara”.
Musk, i cili është personi i dytë më i pasur në botë, pas CEO të Amazon, Jeff Bezos, zotëronte afërsisht 48% të SpaceX para këtij raundi të fundit të financimit, sipas llogaritjeve të Forbes.
Lexoni: Bitcoin/ ‘Tulipani dixhital’ apo klasa e re e aseteve?
Nuk u bë menjëherë e qartë nëse pronësia e Musk u dobësua nga raundi i ri. Nëse ai do të arrinte të mbante të gjithë 48%, pjesa e tij tani do të vlente rreth 32 miliardë dollar, nga afërsisht 20 miliardë dollarë më parë, sipas vlerësimeve të Forbes. Kjo do të rriste pasurinë e Musk me 12 miliardë dollar, por kjo nuk është ende e mjaftueshme që ai të kalojë Bezos dhe të rimarrë vendin e personit më të pasur në planet.
Ai u vlersua me 173.4 miliardë dollarë që nga mbyllja e tregut të Martën, 16 Shkurt, sipas Forbes. Pjesa më e madhe e pasurisë së tij qëndron në aksionet e tij në kompaninë e makinave elektrike Tesla, aksionet e së cilës janë më shumë se katërfishuar në vlerë gjatë 12 muajve të fundit. Musk gjithashtu punon si CEO i Tesla.
SpaceX u vlerësua për herë të fundit me 46 miliardë dollarë në një raund të mbledhjes së fondeve, në gusht 2020. Por disa banka të Wall Street e kishin vendosur këtë vlerë edhe më lartë: Në tetor, një analist i Morgan Stanley i dha SpaceX një vlerësim të hiperbolizuar prej 100 miliardë dollarësh, dyfishin e asaj që investitorët thanë se ia vlente në gusht.
Raundi i fundit i mbledhjes së fondeve erdhi në mes të dy projekteve me kapital intensiv, Starship dhe Starlink. Starship është projekti i anijes kozmike afatgjatë të kompanisë, që synon të zëvendësojë përfundimisht raketat ekzistuese të SpaceX, Falcon 9 dhe Dragon. Qëllimi i projektit është të zhvillojë një automjet plotësisht të ripërdorshëm që pritet të marrë ngarkesë dhe së fundmi pasagjerë në hapësirë, me një kosto më të ulët se anijet e tjera ekzistuese kozmike.
Përtej nisjes me sukses të astronautëve amerikanë në hapësirë në maj të vitit të kaluar, SpaceX tha në vitin 2020 se po vërente “kërkesë të jashtëzakonshme” për shërbimin e saj Starlink broadband satelitor. Projekti synon të ndërtojë një rrjet të ndërlidhur me rreth 12,000 satelitë të vegjël në orbitën e ulët të Tokës. Deri më tani, testet e hershme kanë treguar shpejtësi të gjerë, të aftë për të luajtur lojëra me video online dhe për të transmetuar filma, por shërbimi përballet me kritika për koston e tij dhe aftësinë e kompanisë për të shkallëzuar kapacitetin.
Përveç mbledhjes së parave për projektet e saj në shkallë të gjerë, SpaceX gjithashtu përfundoi një transaksion sekondar në të cilin personat e brendshëm dhe investitorët e SpaceX kishin mundësinë të shisnin një shtesë prej 750 milion dollarësh të aksioneve të tyre, sipas CNBC.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English