Bizneset e vogla dhe të mesme do të mund t’i regjistrojnë markat në nivel europian me vetëm 20 për qind të kostos.
Presidenti i Zyrës Europiane të Patentave, Benoit Battistelli u takua në Tiranë me ministren e Zhvillimit Ekonomik, Milva Ekonomi, me të cilën ra dakord për lehtësirat që mund të përfitojë biznesi shqiptar.
“Ne propozojmë të nënshkruajmë një marrëveshje nëpërmjet të cilës do të inkurajomë këto ndërmarrje, përmes asistencës tonë, në përfshirjen e asaj që njihet si garantim i patentës, duke paguar vetëm 20% të kostos së përgjithshme”, deklaroi Battistelli.
“Do të kemi mbështetje të plotë që bizneset shqiptare të kenë të gjitha mundësitë për të përfituar nga lehtësitë që ofron Zyra Europiane e Patentave”, tha nga ana e saj Ekonomi.
Regjistrimi i markave dhe patentave shihet si mjet i rëndësishëm për tërheqjen e investimeve të huaja në vend. Është e rëndësishme që të rritet ndërgjegjësimi i biznesit dhe universiteteve në Shqipëri, mbi rëndësinë e mbrojtjes ligjore të produkteve dhe shpikjeve të tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English