Smart Community – Platformë e moduleve të rrjetëzuara për komunitetin modern


Shkruar nga Milaim Deliu, Chief Technology Officer pranë Smart Home Europe

Parashikohet se deri në vitin 2025, gjysma e popullsisë së botës do të jetojnë nëpër mjediset urbane. Ndërkaq në vitin 2050 do të jetojnë mbi Tokë 9 miliardë njerëz, e 70% e tyre nëpër qytete.

Urbanizimi, globalizimi, ndryshimet demografike dhe ndryshimet e klimës venë sprova para komuniteteve, po në të njëjtën kohë krijojnë edhe mundësi për t’u sjellë me efikasitet me pasuritë humane, me pasuritë energjetike dhe ato të lëndës së parë.

Shfrytëzimi i këtyre mundësive është qëllim i komunitetit smart. Smart Community është një sistem më i gjerë se sa vetëm teknologjia dhe ai i ka 4 tipare karakteristike: teknologjia inteligjente dhe konjitive, efiçienca, ekosistemi ose qëndrueshmëria e gjelbër dhe tipari social. Ky komunitet përmban në vete inovacione teknike, ekonomike, ekologjike dhe shoqërore. Dhe, përfitimet tona të para vijnë pikërisht nga fakti: komuniteti smart ndërtohet me efiçiencë/arkitekturë/teknologji të integruar të kontrollueshme/të ndryshueshme dhe ka shpenzime më të ulëta.
Një menaxhim inteligjent i ndërtesave, i mobilitetit, teknologjisë, shëndetësisë, infrastrukturës, administratës, ekonomisë, sigurisë dhe arsimit ëshë i domosdoshëm. Për të ndërtuar një sistem të suksesshëm, është i nevojshëm një numër i madh i produkteve inteligjente, i elementeve inteligjente dhe i zgjidhjeve të tilla, të cilat do të ishin gjithnjë të integruara në teknologjinë e internetit, gjerësisht në platforma. Baza e kësaj është rrjeti i fuqishëm, i besueshëm dhe i sigurtë me zgjidhje kabllore e valore.

Lexoni: Dashuritë e Lulzim Veliut, Kosova dhe biznesi “Smart home”

Autonomia energjetike përmes burimeve natyrore, automobilat elektrike, mbledhja inteligjente e plehrave, zgjidhjet ekologjike, zgjidhjet smart të ujësjellësit, industria/bujqësia me humbje minimale, riciklimi i humbjeve (mbeturinat, tymi, etj), përkujdesja ndaj të moshuarve, etj, janë vetëm disa nga pikat e komunitetit smart. Ai duhet që në njërën anë t’i zgjidhë mungesat e pasurive, resurseve, ndotjen e ambientit dhe rritjen e popullsisë ose mënjanimin e depopullimit të mjediseve rurale, e në anën tjetër duhet t’i revolucionarizojë ekonominë e administratën dhe në rastet e komuniteteve të përziera të eleminojë keqkuptimet ndëretnike.

Tashmë ekzistojnë disa projekt-qytete, si New Songdo City në Kore, për momentin me 20.000 banorë, Fujisawa Smart Town në Japoni dhe Masdar City në Abu Dhabi. Koncepte të Smart City janë ndërtuar në disa qytete të Europës të cilat po implementojnë Smart City-elemente, si Amsterdami, Vjena, Hamburgu, e një varg qytetesh të tjera, nga ku mund të shihet se dixhitalizimi duhet të shfrytëzohet që komunitetet/mjediset dhe sistemet të qeverisen në mënyrë inteligjente. Prandaj ndërtimtaria, furnizimi me energji, konceptet e sigurisë, jeta dhe puna duhet të rimendohen, në të vërtetë të rimodelohen, se nëse marrim shembullin më të thjeshtë të mobilitetit: për të mënjanuar kolonat në qytet, duhet të rrjetëzohen 3 komponente: automobili, njeriu dhe infrastruktura. D.m.th mendimi ndryshe është pjesë e kulturës Smart.

Për një komunitet smart nuk do të thotë se duhet të derdhen 100 milionë Euro ose më shumë përnjëherë, kjo mund të realizohet gradualisht. Padyshim këtu mund të bëhen edhe hapa të vegjël, si p.sh ndriçimi inteligjent i rrugëve Smart Lighting; shndërrimi i shtyllave elektrike në platforma multifunksionale me sensorë ë ndryshëm, ndriçim, bateri për karikim, W-LAN publik, etj; digitalizimi i postës, ose robotizimi i bartjes së pakove nëpër qytet; rrjetëzimi i kazanave të plehrave; përfitimi i rrymës elektrike nga burime natyrore, gjegjësisht nga burime solare dhe manaxhimi e shpërndarja e rrymës me sistem inteligjent; platforma të këmbimit të informatave dhe të shërbimeve të administratës për qytetarë dhe sipërmarrje (E-Government), etj.

Lexoni: Smart working, sistemi i ri fleksibël i punës.

Megjithatë këto janë vetëm elemente të komunitetit smart, sepse një komunitet nuk mund të bëhet asnjëherë smart nëse nuk e ka të oganizuar dhe të ndërtuar infrastrukturën dixhitale. Kjo është kryesorja. Nuk ka rëndësi se për cilin nivel të smartit flasim, qoftë ai Smart Home, Smart Building, Smart City, Smart Village, infrastruktura është hapi i parë i domosdoshëm. Pas infrastrukturës janë edhe dy kushte të tjera, pa të cilat nuk mund të funksionojë një komunitet smart në mënyrë të qëndrueshme:

1. Platforma ose Multiplatforma, si mjedis/ambient i jetës dixhitale.
2. Modulet. Integrimi me module. Një komunitet smart duhet të funksionojë si sistem e jo si element dhe si sistem të ketë mundësi të zgjerimit mbi bazë modulare.
3. Teknologjia e hapur – open, si efekt i qëndrueshmërisë për ta integruar teknologjinë e ardhshme, qoftë ajo edhe pas 10 ose 50 vjetësh dhe në mënyrë që teknologjia sot të mos na bëhet problem ekologjik nesër!

Një Smart Community nuk do të thotë gjithmonë se eshtë smart, nëse nuk i plotëson këto kushte.

Smart Community ose komuniteti smart është platformë e moduleve të rrjetëzuara për komunitetin modern.

Qytetet ose komunat që duan të jenë një vend tërheqës për njerëzit dhe bizneset, duhet gjithashtu të nxisin ofertat e tyre digitale. Një qasje e domosdoshme është platforma për tregti dhe komunikim të bazuar në internet që lidh qytetarët, bizneset, organizatat dhe agjencitë qeveritare (ose autoritetet publike) si një komunitet shoqëror – Social Community.

Dixhitalizimi dhe rrjetëzimi, p.sh me shërbimet e internetit për Online-banking, blerjet e veshjeve ose prenotimet e hoteleve, gjithnjë e më shumë sfidojnë qytetet për t’u përgjigjur me konceptet e tyre të shërbimeve. Shumë komuna duan të përdorin mundësitë e zhvillimit dixhital për të ruajtur cilësinë e vendodhjes për banorët, turistët, profesionistët dhe bizneset. Qëllimi është të përmirësojë jetën dhe tregtinë lokale, si dhe të thjeshtojë e përshpejtojë komunikimin dhe ndërveprimin brenda rrjetit Autoriteti publik – Qytetarët – Bizneset – Organizatat. Sfida, megjithatë, është të transferohet bota fizike si një imazh dixhital në një platformë.

Lexoni: 5 sfidat më të mëdha që do të hasë bota në të ardhmen

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0