Sistemi arsimor finlandez vjen edhe në Kosovë


Në ambjentet e Restaurant Garden, ditën e djeshme, në Prishtinë është shpalosur programi i Shkollës Finlandeze.

Shkolla Finlandeze vjen në Kosovë me staf ndërkombëtar (Finlandezë) dhe me program të fokusuar në kreativitet, zgjidhje të problemeve dhe mësim përmes lojërave. Programi ofrohet për ciklet parashkollorë, fillorë dhe të mesëm.

Në dallim nga sistemi aktual i edukimit, përveç lëndëve bazë, sistemi finlandez do t’u mundësojë nxënësve të programojnë dhe të mësojnë robotikën që nga mosha tre vjeçare.

Lexoni: Përse në Finlandë, 90% e nxënësve janë të shkëlqyer në shkollë?

Teknologjia është gurthemeli i sistemit të Shkollës Finlandeze në Kosovë, duke ju mundësuar nxënësve aftësimin dhe të mësuarin përmes lojërave dhe teknologjisë.

Kaija-Leena Salovaara, drejtoreshë e Shkollës Finlandeze në Kosovë, me përvojë 14-të vjeçare si profesoreshë dhe si drejtoreshë në institucione arsimore finlandeze theksoi nevojën e menjëhershme të transformimit të sistemit të edukimit në Kosovë.

Ndër të tjera ajo theksoi nevojën për një shkollë ku fëmijët janë në fokus dhe mësimi është kënaqësi.

Shkolla Finlandeze i vendos fëmijët në qendër të vëmendjes dhe duke i kuptuar nevojat e tyre ajo formon kurrikulat dhe programet. Fëmijët shmangin stresin dhe mësojnë në çdo kohë gjatë qëndrimit në kampus, madje edhe kur luajnë.

Alejtin Berisha, themelues i Shkollës Finlandeze tha se për çdo prind i cili dëshiron kualitetin më të lartë të edukimit për fëmijët e tij, “Shkolla Finlandeze e Kosovës” i ofron një ekosistem që i rrit fëmijët duke nxjerrë më të mirën nga ata, për të rritur kreativitetin e tyre dhe duke ofruar mundësinë që ata të socializohen.

Hapësira në kampus, aktivitetet si dhe veçanërisht mini qyteti brenda kampusit “HELPRI CITY” mundësojnë mësimin praktik të njohurive udhëheqëse, menaxhuese dhe nxit shpirtin krijues të fëmijëve.

Lexoni: Finlanda, vendi i parë në botë që do të ndryshojë sistemin arsimor

Pertti Reponen, drejtor ekzekutiv në TeacherGaming.com njëherazi dhe përgjegjës për zhvillimin e lojërave që fëmijët do t’i përdorin gjatë procesit mësimor në Shkollën Finlandeze shpalosi detajet se si po krijohet shkolla më e avancuar në teknologji në Ballkan. Lojërat si pjesë e mësimdhënies mundësojnë që fëmijët të mësojnë njohuritë bazë ndërkohë që luajnë.

Shkolla Finlandeze e Kosovës ofron kampusin e parë të dizajnuar për të integruar mjedisin shoqëror, artin dhe teknologjinë së bashku. Çdo kat i kampusit ka hapësirë të destinuar ku nxënësit kanë mundësi të kalojnë kohën duke u socializuar dhe duke u relaksuar me bashkëmoshatarët e tyre.

Shkolla Finlandeze vjen në Kosovë nga Shtatori i vitit të ardhshëm.

 

Burimi: telegrafi.com

Must watch
Business Mag Nr. #25 - Mars 2021

Në Mars bëhet një vit nga identifikimi i personit të parë me Covid në Shqipëri. Prej asaj dite, zhvillimet e sipërmarrjes ishin tërësisht të tjetërsuara. Në kushte tërësisht të ndryshme, ata duhej ta merrnin ose ta linin çdo mundësi. Të hidhen në hapësira të panjohura, pa asnjë siguri se ku do të përfundonin, të tkurren apo fatkeqësisht të mbyllen.

Kur tashmë ka kaluar një vit, sipërmarrësit janë pak më të lodhur dhe njëkohësisht pak më të qartë për atë çfarë po ndodh. Në këtë numër të fundit vijnë sipërmarrës dhe kompani që reaguan me ritme po aq të shpejta sa pandemia, për të sjellë gjetje të reja. Nuk po flasim vetëm për kompanitë e teknologjisë, por edhe për nisma në bujqësi. Nuk po flasim vetëm për vendin tonë, por edhe për pothuajse të njëjtat strategji të ndjekura edhe nga kompani të mëdha ndërkombëtare.

Sot një vit, kuptojmë se ku kanë çuar hapat e ndërmarrë të disa të rinjve, si në fushën e produksionit, edhe në shërbimet teknologjike. Si kanë arritur të rimëkëmben brande të vjetra, apo të fuqizohen ato ekzistuese, duke shtuar gamën, përmirësuar cilësinë apo duke zgjeruar tregun.

Nëse ka një hap që nuk është ndalur, po aq sa mjekësia, është fusha e biznesit.  Gjetjet e reja dhe në formë të shpejtë rezultuan të jenë e vetmja zgjidhje. Paketat mbështetëse nga qeveria kanë tashmë një përmasë më të qartë në efektin e vakët të mbështetjes së biznesit.

Sfidat për sipërmarrjen vazhdojnë të forta edhe këtë vit.

Së pari, sipërmarrja është edhe më e ndërgjegjshme që pandemia do të qëndrojë edhe për disa kohë mes nesh.

Së dyti, kushtet e punës vijojnë të ndryshojnë dhe koha e zgjatur mund t’i kthejë ato në kushte bazë për të vijuar më tej.

Së treti, sipërmarrjes shqiptare i duhet të shtojë më tej përpjekjet në kushtet e rritjes së kostove dhe kërkesës së ulur. Janë rritur kostot e naftës dhe kostot e punës.

Së katërti, sipërmarrja duhet të operojë në një vit elektoral, kur performanca e administratës është në nivelet më të ulëta të çdo 4 vjeçari në pushtet dhe ku fushata elektorale “pezullon’ investimet e mundshme private, nxit investimet publike, por vetëm në interesa të veçantë dhe gjithnjë me orientim elektoral.

Vaksinimi i shpejtë dhe mbarëvajta e zgjedhjeve do të ishin një mundësi e mirë për sipërmarrjen vendase, duke lehtësuar sadopak efektet e pashmangshme të pandemisë.

Shiko më shumë
Na ndiqni në rrjetet sociale