Sipas një studimi femrat kanë një kujtesë më të mirë se meshkujt - Business Magazine Albania

Sipas një studimi femrat kanë një kujtesë më të mirë se meshkujt


Kur bëhet fjalë për kujtesën, duket sikur femrat kanë superfuqinë t’i kujtojnë të gjitha. Ato kujtojnë se kush tha çfarë, se ku partneri i tyre ka lënë këmishën e tij dhe çfarë kanë porositur në restorant 3 muaj më parë. Dhe shkenca ka vërtetuar se femrat me të vërtetë kanë një aftësi më të mirë për të memorizuar njerëz, vende dhe emocione. Ndonjëherë duket sikur femrat dinë gjithçka dhe bëhen vërtet shpëtimtare kur dikush ka nevojë për një informacion të rëndësishëm.

Lexoni: E ardhmja është rozë – Suksesi i grave mes një rrugëtimi të mundimshëm

BusinessMag në këtë artikull ju sjell një studim mjaft interesant dhe rezultatet që kanë dalë prej tij.

  • Ekzistojnë dallime konjiktive gjinore

Gratë bëjnë shaka se burrat e tyre nuk do të dilnin nga shtëpia nëse nuk do të ishte për to pasi nuk do të gjenin asnjë nga rrobat që do u duheshin për t’u përgatitur për punë. Dhe hulumtimi vërteton se në këtë rast mund të ketë një të vërtetë këtu. Psikologët zbuluan se mënyra se si burrat dhe gratë i mbajnë mend gjërat është e ndryshme. Gratë kanë memorje më të mirë episodike që i ndihmon ato të mbajnë mend njerëzit, vendet e objektet dhe bisedat që kanë bërë, shumë më qartë.

  • Gratë janë më të mira me fjalët

Për ta vërtetuar këtë supozim të vërtetë, studiuesit e Institutit Karolinska analizuan 617 studime nga 1973 deri në 2013 me mbi 1.2 milionë pjesëmarrës në total. Ata arritën në përfundimin se gratë kanë aftësi njohëse më të mira kur bëhet fjalë për të kujtuar informacionin verbal. Gratë mund të kujtojnë më mirë fjalët, tekstet, bisedat dhe filmat. Ato gjithashtu lehtë spikatin objektet dhe e dinë saktësisht se ku vendosen disa gjëra.

  • Ato i mbajnë mend të gjitha bisedat

Studiuesit nga Kolegji i Ekologjisë Njerëzore të Cornell bënë një eksperiment tjetër. Ata u dërguan pjesëmarrësve 3 mesazhe gjatë javës duke u kërkuar atyre të përshkruanin 30 minutat e fundit në sa më shumë detaje të ishte e mundur. Në fund të javës, ata u kërkuan pjesëmarrësve të ndanin me ta detajet që u kujtoheshin nga këto ngjarje. Gratë thanë më shumë kujtime që ishin më të orientuara nga shoqëria. Ato i kushtonin më shumë vëmendje njerëzve, emocioneve dhe bisedave që kishin bërë në krahasim me burrat.

Lexoni: Reklama e re e Nike, është një letër vizuale fymëzuese për të gjitha femrat

  • Por burrat kanë një sens të jashtëzakonshëm drejtimi

Sidoqoftë, edhe burrat kanë pikat e tyre të forta. Studiuesit arritën në përfundimin se burrat janë më të mirë në kujtimin e informacionit që është i lidhur me përpunimin hapësinor. Është më e lehtë për ta të kujtojnë imazhe abstrakte dhe kanë një sens më të mirë drejtimi. Burrat janë të mirë në sensin e orientimit dhe është më lehtë për ta të gjejnë rrugën nga një vend në tjetrin.

/brightside

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0