Del se industria e çamçakëzave është e madhe, 4 miliardë $ në SHBA dhe mbi 20 miliardë $ në rang botëror. Gjithashtu kjo industri është e kontrolluar nga gjigandë të mëdhenj, me 2 konglomeratë të tillë që përbëjnë 95% e shitjeve të çamçakëzave në SHBA. Ideja për një çamçakëz tërësisht natyral dukej fantastike por si mund t’ia dilte Caron ndaj këtyre “monstrave” të industrisë? Si mundej që një sipërmarrëse fillestare nga Queens i Neë York të kishte ndonjë shans kundër konkurrentëve të saj me ‘xhepat e thellë’ prej miliarda dollarë?
Në një intervistë të kohëve të fundit, Caron ndau qasjen e saj me mua. Ajo përqafoi 3 strategji kyçe për të lançuar kompaninë e saj, e cila është tashmë solide në mbi 1200 dyqane dhe po shijon një rritje të pabesueshme.
1.Përqafoni të ndryshmen– Ajo ndjenja e vogël e mungesës së komfortit, që diçka nuk është e drejtë, mund të jetë një ‘hartë’ shumë e mirë drejt oportunitetit. Dëshira e Caron për një çamçakëz të shëndetshëm në një industri të pashëndetshme e drejtoi drejt idesë së madhe. Shikoni momentet gjatë të cilave stresoheni në jetën tuaj, sepse mund t’ju çojnë drejt ideve të freskëta.
2. Fokusohuni te diferencat–Shumica e njerëzve në pjesën më të madhe të industrive ndjekin normat e industrisë, dhe habiten sepse rezultatet janë të mërzitshme. Simply Gum, nga ana tjetër, e shpërfill traditën. Paketim i bukur, transparent, ingridientë natyralë, dhe shije të pazakonta si xhenxhefili, panjë dhe kafeje e bën Simply Gum që të dallohet. Për të triumfuar, fokusohuni më shumë në atë që ju bën unikë dhe më pas bëjini këto diferenca që të “ulërasin” nga majat.
3. Ecni shpejt – Simply Gum në mënyrë të vazhdueshme rafinon proceset e prodhimit, profilet e shijeve dhe startegjitë e shpërndarjes. Shpejtësia është një mjet i fuqishëm kundër atyre që janë të ngadaltë, duke e lejuar këtë startup të përshtatet, mësojë dhe të rritet më shpejt se të mëdhenjtë e industrisë. Në vend që të presësh që diçka të jetë perfekte, lançoni produktin tuaj, shërbimin shpejt dhe më pas përshtatuni shpejt për të rafinuar dhe optimizuar ofertën tuaj.
Deri më tani, gjigandët e industrisë nuk kanë dhënë shenja konkurrueshmërie ndaj Simply Gum. Caron po lulëzon, ndërsa konkurrentët e saj kanë ngecur në “baltë.” Ajo po përdor kohën që është e çmuar, për të rritur dhe konsoliduar qasjen e re ndaj një industrie të mpirë. Në të njëtjën mënyrë që Red Bull “përçau” tregun e pijeve, Caron dhe skuadra e saj në Simply Gum po i përdorin këto 3 strategji “vrasëse” për të krijuar tregun e tyre të ëndrrave.
Ndiqni hapat e kësaj sipërmarrëseje kreative. Kërkoni ndryshimin. Veçohuni në vend që të përziheni. Përshtatuni shpejt. Me shumë gjasa do të shijoni një rritje të madhe, dhe do t’i bëni konkurrentët tuaj të kenë shumë për të “përtypur.”
/Shkruar nga Josh Linkner, Publikuar nga Forbes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
