Si të vishemi për një event?


Ndoshta nuk iu pëlqejnë shumë veshjet serioze por kohët e fundit jeni bërë pjesë e shumë eventeve të kësaj kategorie. Ndoshta nuk e keni të qartë se çfarë duhet të vishni në një intervistë pune, në një festë pune apo në një event gala.

Që mos të shkoni të veshur me xhinse dhe kravatë në evente të tilla, ky artikull iu njeh me disa këshilla të vlefshme për kodin e duhur të veshjes:

Kravatë e zezë, Kravatë e bardhë

E vetmja fjalë që duhet të keni parasysh është Formal. Kravata e zezë do të thotë smoking i zi me një këmishtë të bardhë me kopsa. Kravata e bardhë është e njëjtë në kombinim si Kravata e zezë, vetëm se në këtë rast jeleku dhe kravata janë në ngjyrë të bardhë. Nëse eventi nuk është tepër formal, smoking i zi mund të zëvendësohet me një kostum të zi të kombinuar nga ju vetë.

Për femrat, fundet e gjatë dhe bizhutë elegante janë një domosdoshmëri. Takat janë më të përshatshme për këto raste, por nëse zgjidhni të vishni këpucë me takë të ulët, sigurohuni që ato janë serioze dhe në gjendje perfekte.

Veshje për Koktejle ose Evente gjysmë-formale

Zotërinj, ju përsëri duhet të jeni të veshur me kostum, por mund të përdorni dhe pak kreativitet për pamjen tuaj. Edhe pse është më mirë të qëndroni te ngjyrat e errëta, provoni një papion ose një kravatë me motive argëtuese.

Zonja, për këto evente ju mund të vishni fustane të gjatë ose të shkurtër, sidoqoftë stili i fustanit tuaj nuk duhet të jetë shumë i zbuluar. Fustani epik në ngjyrë të zezë është gjithmonë zgjidhja ideale për këto raste. Dhe me një varëse me perla apo një set me bizhu të kombinuara me vëth, ju do të shkëlqeni!

Takime biznesi ose profesionale

Për këto evente, duhet patjetër Kostumi i Fuqisë. Meshkujt duhet të kujdesen për këto 3 gjëra: ngjyrat e errëta, vijat e holla që ka kostumi dhe pamjen tradicionale. Ngjyrat e errëta duhet të jenë blu, e zezë dhe gri qymyri. Këmisha duhet të jetë ajo klasike në ngjyrë të bardhë ose blu nëse kombinohet mirë me kostumin. Dhe mos harroni këpucët! Zgjedhja ideale janë një palë këpucë lëkurë në ngjyrë të zezë ose kafe.

Femrat duhet të rrinë më shumë te ngjyrat neutrale si ajo krem, e zezë ose gri, por mund të eksperimontojnë më shumë me ngjyrat e aksesorëve. Megjithatë, bizhutë dhe aksesorët e tjerë duhet të jenë sa më të thjeshtë dhe nuk duhet të tërheqin shumë vëmendjen. Edhe pse veshja profesionale kërkon një pamje sa më serioze kjo nuk do të thotë që duhet të vishni vetëm pantallona. Të përshatshëm janë dhe fustanet seriozë dhe kombinimi fund me një këmishë.

Business Casual

Ky kod veshjeje është mëse i zakonshëm, por mund të jetë edhe kodi i veshjes më i vështirë për t’u deshifruar. Në thelb, veshje e zakonshme biznesi është versioni informal i veshjes profesionale. Për meshkujt, kjo do të thotë pantallona të pastra dhe një këmishë. Kravata nuk është e nevojshme, por një xhaketë e përshtatur do t’a bënte më interesante veshjen tuaj.

Femrat në këtë drejtim kanë më shumë mundësi për të zgjedhur dhe për të shprehur stilin e tyre personal, por janë disa gjëra të cilat duhen shmangur: xhinse, ngjyrat neon apo çdo gjë tjetër që e vishni në klub. Qëllimi juaj është të dukeni komfort por dhe të paraqitshme. Nëse eventi është pas orës 7 të mbrëmjes, zgjidhni një veshje më profesionale apo më të lirshme.

/Attend.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale