Në kohën kur raportet për ndikimin e mediave sociale në shëndetin mendor bëhen gjithnjë e më shqetësuese, është e rëndësishme të shikojmë sesi këto platforma mund të bëhen një vend më i sigurt dhe i shëndetshëm për përdoruesit. Ndërsa për shumë njerëz, leximi i lajmeve dhe përmbajtjeve online është një burim negativiteti dhe krahasimesh të dëmshme, është e mundur që kjo hapësirë të bëhet më e këndshme dhe frymëzuese.
Ndikimi i medias sociale në shëndetin mendor
Sipas Dr. Jason Nagata, profesor i asociuar i pediatrisë në Universitetin e Kalifornisë në San Francisko, mediat sociale nuk janë në thelb as të mira, as të këqija. Ato mund të sjellin edukim dhe lidhje të reja, por gjithashtu mund të krijojnë ndjenja inferioriteti dhe izolimi. Duke krijuar një mjedis të përshtatshëm në internet, mund të ulen rreziqet e dëmshme dhe të përmirësohet eksperienca online, sipas Dr. Katherine Keyes nga Shkolla e Shëndetit Publik në Universitetin Columbia. Për të shmangur ndikimin negativ të mediave sociale, ja disa hapa që mund të ndihmojnë.
1. Përzgjedhja e përmbajtjeve pozitive
Nëse shpenzohet kohë për përmbajtje të caktuar, algoritmet e mediave sociale do t’ju dërgojnë më shumë prej saj. Pra, përqëndrohuni në përmbajtje që ju sjell gëzim, ose që ju frymëzon. Dr. Marie Yeh sugjeron që të jemi më të ndërgjegjshëm për atë që na ofrohet dhe të bëjmë zgjedhje të qëllimshme për atë që konsumojmë.
2. Të dish çfarë kërkon
Shumë shpesh, mund ta gjeni veten të zhytur në postime të panumërta pa një qëllim të qartë. Duke krijuar një ide të qartë të asaj që kërkohet, mund të shmangen përmbajtjet që të bëjnë të ndihesh i zbrazët. Sipas Dr. Anna Lembke nga Universiteti Stanford, mënyra se si përmbajtjet online ndikojnë në lirimin e dopaminës bën që të konsumohet më shumë nga ato përmbajtje që janë vetëm përkohësisht të kënaqshme, por jo domosdoshmërisht të shëndetshme.
3. Të shkëputesh nga krahasimet sociale
Përmbajtjet që nxisin krahasime, veçanërisht për pamjen fizike, mund të jenë të dëmshme për shëndetin mendor, sidomos për adoleshentët. Sipas Dr. Nagata, është e rëndësishme të shmangen përmbajtje që nxisin standarde të paarritshme bukurie, pasi kjo është e lidhur me rrezikun për një imazh të dobët të trupit dhe simptoma depresive. Kjo përfshin përmbajtjet e modës, ushtrimeve dhe dietave ekstreme.
Lexo edhe: Si të krijoni një mjedis pune pozitiv si drejtues
4. Ndryshimi i ndjekësve dhe përmbajtjeve të panevojshme
Pastrimi i llogarive dhe përmbajtjeve që mund të ndiqen mund të bëjë një ndryshim të madh. Dr. Patricia Cavazos-Rehg sugjeron të identifikohen dhe të ndiqen vetëm ato llogari që sjellin një ndjesi të mirë. Në vend të përfshirjes në debate të panevojshme, mund të zgjidhet një qasje më e shëndetshme dhe të largohen ato përmbajtje që nuk sjellin vlerë.
Angazhimi i ndërgjegjshëm dhe përzgjedhja e përmbajtjeve me ndikim pozitiv janë çelësi për të krijuar një përvojë më të shëndetshme dhe të kënaqshme të mediave sociale. Ky angazhim mund të ndihmojë të mbahet një distancë nga përmbajtjet që të bëjnë të ndihesh i pamjaftueshëm dhe të përfitohet më shumë nga përvoja online.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English