Si të optimizojmë performancën e marketingut në mediat sociale nga Ljiljana Pavlovicova në AllWeb Macedonia

Përpara këtij pozicioni, Ljiljana ishte në krye të ruajtjes së konsumatorit, duke drejtuar ekipin menaxhues Socilabakers Global Account.

Ajo është e apasionuar për të ndihmuar tregtarët në udhëtimin e tyre social të zotërimit të marketingut social.

Liljana Pavlovicova nga Social Bakers mbajti një prezantim mjaft interesant në lidhje me optimizimin e performancës së marketingut në rrjetet sociale.

Ajo e nisi me një pyetje për audiencën: Sa buxhet mendoni që brandet po shpërdorojnë në social media?

44% – ishte buxheti që shpërdorohej pa asnjë efekt në rrjetet sociale çdo ditë. Pra pothuajse gjysmat e parave në Social Media shpenzohen kot.

Përse? Çfarë po bëjnë reklamuesit gabim? Zakonisht themi që “Content is the King” por, shpesh edhe pse kemi përmbajtje të mirë, nuk funksionon?

Për t’i dhënë përgjigje kësaj, duhet të përcaktojmë edhe definicionin e suksesit në një fushatë. Suksesi nuk është i lidhur vetëm me krijimin e kontentit të mirë. Përmbajtja e mirë nuk është mjaftueshëm. Ekziston një rrjedhë veprimesh që duhet të kryeni për të qenë të suksesshëm në fushatat tuaja në Social Media.

Creation – Timing – Promotion – Results Tracking

Krijimi i përmbajtjes – Për të pasur përmbajtje të mirë, duhet të frymëzoheni nga kontenti që vërtet funksionon. Nëse shikoni poste që kanë performuar, merrni frymëzim nga ato. Qoftë nga konkurrenca, qoftë nga diçka tjetër.

CONTENT është monedha e Social Media-s. Përmbajtja e mirë të shpërblen.

Çfarë është përmbajtje e mirë dhe çfarë është e keqe?

Përmbajtja e mirë është ajo që performon shumë mirë në mënyrë organike, dhe bëhet virale. Ndërkohë që një performancë e keqe nuk arrin të performojë në mënyrë organike.

Përmbajtja e keqe i kushton kompanisë para dhe angazhim. Nëse një postim me përmbajtje të keqe shfaqet me pagesë tek audienca juaj, audienca mund të zgjedhë t’ju fshijë, ose të mos pranojë më postime nga ju. Pra dëmi është shumë më i madh përveç parave.

Timing – Kur është koha më e mirë për të kryer postime? Mendoni: kur është koha e duhur që audienca që synoni të arrini është para rrjeteve sociale? Mos pretendoni që ata jane duke pirë kafe dhe presin që ju të hidhni diçka. Analizoni kohët më të mira për target audiencën dhe në ato orë kryeni postime. Mos postoni në orare të kota.

Promotion – Fillimisht, duhet të marrim parasysh çfarë platforme të zgjedhim për të promovuar, pasi janë shumë të tilla dhe nuk ekziston mundësia për t’i përdorur të gjitha. Facebook për shumë persona duket si zgjedhja parësore. Facebook është i mirë, por nuk mund të përdoret i vetëm për çdo objektiv të caktuar. Duhet të shikoni ku është audienca juaj dhe të vendosni cilat platfoma të përdorni. Tregohuni selektiv në to.

Promovimi, është pra postimi i kontentit me pagesë nëpërmjet boost ads apo mënyrave të ndryshme. Duhet patur parasysh të promovoni me pagesë vetëm përmbajtjen e mirë, tek audienca e duhur.

Gabimi më i madh që disa kompani bëjnë është që e promovojnë menjëherë me pagesë përmbajtjen e tyre. Një mënyrë e mirë është ta realizoni një postim dhe ta lini online për të vëzhguar si do të performojë në mënyrë organike. Lëreni për disa orë. Nëse sheh që po performon shkëlqyeshëm, atëherë promovojeni duke investuar para tek ajo.