Si të avanconi në karrierë kur punoni nga shtëpia - Business Magazine Albania

Si të avanconi në karrierë kur punoni nga shtëpia

Si të avanconi në karrierë kur punoni nga shtëpia

“Shumë njerëz janë të shqetësuar sepse, duke mos punuar në zyrë, nuk ndërveprojnë dhe nuk bashkëpunojnë me kolegët apo klientët, si më parë. Duket sikur jeta është në pritje në njëfarë mënyre” – thotë Dorie Clark, autore e librit “Entrepreneurial You”. “Është e vështirë të dish si të përshtatësh ritmet, pasi ka kaq shumë paqartësi”.

Më poshtë janë disa këshilla se si t’ia dilni mbanë:

Vijoni të njihni njerëz të rinj

Rrjeti është një pjesë e rëndësishme për të ecur përpara në karrierën tuaj. Por me mbledhjet e takimet ballë për ballë që për momentin nuk zhvillohen, takimi me njerëz të rinj do të kërkojë pak më shumë nismë. Mund të jetë e vështirë të kontaktosh dikë dhe të kërkosh një bisedë virtuale. “Jam një fanse e ‘krijimit të justifikimeve’”– thotë Clark në lidhje me kontaktin me personat.

Kjo mund të nënkuptojë të thoni se synoni të takoni një person të ri në javë dhe se personi që po kontaktoni është interesant apo se keni një ‘mik’ të përbashkët në LinkedIn.

Kjo ju ndihmon të shpjegoni marrëdhënien tuaj dhe të thoni atë që doni kur i drejtoheni dikujt. Për shembull, “jam i interesuar të di më shumë[rreth industrisë] dhe shoh që ju keni qenë një lider prej më shumë se një dekade – por do të më pëlqente të dija më shumë rreth rrugëtimit tuaj profesional”.

Kërkoni një vlerësim të rregullt

Vlerësimi ju ndihmon të identifikoni fushat e përmirësimit dhe pikat e forta dhe, duke u dhënë përparësi detyrave tuaja, do t’ju ndihmojë në rritjen profesionale. Kur merrni vlerësime të punës suaj nga drejtuesi vetëm një herë apo dy herë në vit mund të jetë shkuarajuese – gjë që është joproduktive për të dy palët.

Nëse ju merrni një vlerësim më të shpeshtë, do të jetë më pak se një gjykim mbi ju si një qenie njerëzore e më shumë mbi një aspekt të veçantë”– tha Clark. Por shumë drejtues nuk ndihen komod në dhënien e një vlerësimi.

“Duhet të jeni aktiv”– thotë Clark. “Shkoni tek ta pas një prezantimi dhe thojini: do të doja ta bëja prezantimin tim më të mirë në të ardhmen. A keni një vlerësim mbi këtë ose një gjë që unë mund të bëj ndryshe?” Sa më shumë biseda të tilla të bëni, aq më të lehta dhe më produktive do të bëhen.

Gjeni një mentor

Gjetja e një mentori mund t’ju ndihmojë t’u jepni përgjigje pyetjeve mbi karrierën, për të krijuar lidhje. Ai do t’ju udhëzojë dhe motivojë për karrierën tuaj. Kërkoni dikë që është një nivel mbi ju për të krijuar një marrëdhënie me të, këshillon eksperti personal i markës dhe karrierës, Wendi Weiner.

Lehtësoni punën e drejtuesit

Shefi juaj ka një rol të rëndësishëm në trajektoren e karrierës suaj. Mund të jetë më e vështirë të ndërtoni një marrëdhënie kur nuk keni takime të rastësishme në korridor apo ballë për ballë. Gjetja e një mënyre për të ndihmuar shefin tuaj mund t’i japë një impuls karrierës suaj në afat të gjatë, me më shumë mundësi në projekte të reja.

“Një tjetër pyetje do të ishte: cilat janë tre përparësitë kryesore këtë vit”– këshillon Dana Brownlee, autore e librit “The Unwritten Rules of Managing Up.”. “Duke zbuluar se çfarë është më e rëndësishme për ta, ju mund ta përdorni këtë gjë për të arritur shumë nga ato çfarë mund të bëni gjatë gjithë pjesës tjetër të vitit”. cnn

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0