Si pandemia na ktheu në pijedashës aventurierë? Çfarë qëndron pas tendencës - Business Magazine Albania

Si pandemia na ktheu në pijedashës aventurierë? Çfarë qëndron pas tendencës

Që nga fillimi i koronavirusit, ka pasur dy lloje kryesore të lajmeve kur bëhet fjalë për zakonet tona në pijet alkoolike. Ne të gjithë pimë shumë gjatë kohës që u mbyllëm në shtëpi, ose vendosëm ta ndalonim, pa tundimin e bareve dhe restoranteve.

Por u fol pak për faktin se pandemia ka bërë që shumë prej nesh të eksperimentojnë më shumë me pijet, me shitjet e pijeve më të pazakonta që janë rritur fuqishëm, së bashku me verërat nga vendet që zakonisht nuk u interesojnë konsumatorëve të zakonshëm.

Trendi kapërceu Atlantikun. Në Manhattan, Nju Jork, Park Avenue Liquor Store hapi për herë të parë dyert e saj në 1934, një vit pas përfundimiy të ndalimit në SHBA.

Në pronësi të familjes, shefi i saj aktual, Jonathan Goldstein, ka një teori për dashurinë tonë të sapogjetur për pijen më eksperimentale.

“Kur të gjitha baret duhej të mbylleshin, njerëzit ishin mbyllur në shtëpi duke u shtirur si banakier ose miksologë për kokteje dhe të gjithë u bënë krijues”, thotë ai. “Ata papritmas donin të eksperimentonin, kështu që ne pamë një rritje të madhe të porosive online për gjëra më të pazakonta.

“Në kategorinë tonë të pijeve alkoolike, gjërat e çuditshme si gjalpi i kikirikut ose uiski me shije bananeje u bënë papritmas shumë të njohura. Kështu ishin pijet e frutave të pasionit dhe schnapps të prodhuara në vend – të gjitha shije të ndryshme… raven, pjeshkë e bardhë.”

Lexo edhe: Nga alkooli te hotelet e shtrenjta, ja 5 gjërat për të cilat Jim Cramer refuzon të shpenzojë para 

Por a janë rikthyer klientët e Z. Goldstein tek pijet më tradicionale, ndërsa bota vazhdon ngadalë dhe me shpresë të kthehet në normalitet? Ai thotë se jo.

“Ne mbajmë në vëmendje se ku po lëvizin tendencat e pijeve dhe mendojmë se [aventurieri i ri] do të vazhdojë. Falë industrisë së birrës artizanale, njerëzit janë mësuar më shumë të provojnë marka më të vogla dhe gjëra të reja.”

Ndërkohë në Mbretërinë e Bashkuar, shitësi i verërave The Wine Society thotë se që nga fillimi i pandemisë ka parë një rritje të madhe në shitjen e verërave austriake dhe greke.

“Një nga objektivat fillestare kur Shoqëria e Verës u krijua në 1874, ishte të prezantonte ‘verërat e panjohura deri tani, ose pak të njohura në këtë vend’, thotë Ewan Murray, menaxheri i marrëdhënieve me publikun.

“Kjo vazhdon edhe sot e kësaj dite dhe anëtarët e Shoqërisë së Verës janë eksplorues të etur. Që nga mbyllja e parë, shitjet e verës janë rritur dhe ndërsa anëtarët tanë fillimisht kërkuan ngushëllim në verërat klasike që ata dinë dhe duan, eksplorimi ka dalë sërish në plan të parë.

Dy vendet që kanë përfituar më shumë janë Austria dhe Greqia.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0