Si drejtues keni ndikim të drejtëpërdrejt tek punonjësit tuaj. Kur largoheni nga zyra njerëzit ose fillojnë të punojnë, ose thonë: “Sa mirë që u largua!”. Pra, si lider ju i bëni njerëzit të ndihen të vegjël ose të fuqishëm.
Si e shfrytëzoni këtë pushtet që keni?
Fatkeqësisht shumë drejtues as nuk janë të vetëdijshëm për këtë fuqi që kanë, ose e përdorin në mënyrë të gabuar. Rasti i fundit me të cilin kam punuar si Coach para disa kohësh, ishte rasti i shefit të një departamenti brenda një kompanie me rreth 30 të punësuar. Konflikti kryesor mes tij dhe drejtorit ishin pakënaqësitë ndaj njëri-tjetrit. Komunikimi nga ana e drejtorit, e bënte zotërinë që shpesh të ndihej tërësisht pa vlera, apo siç u shpreh vetë ai: “Shpesh me fjalët dhe gjestet e tij më bën të më duket vetja komplet idiot”.
Pavarësisht se atij i pëlqente jashtëzakonisht puna dhe me kolektivin kuptoheshin shumë mirë, ishte bërë gati disa herë të jepte dorëheqjen. Shpesh drejtuesit harrojnë që në fund të fundit gjithësecili ka mundësinë e zgjedhjes dhe çdo moment mund të largohen, nëse diçka nuk u pëlqen. Nëse doni më të mirën nga punonjësit tuaj, atëherë është më mirë të fitoni zemrat e tyre. Zemrat nuk fitohen me urdhër, por me zemër.
Lexo: Shpresa Rupar, trajnerja e parë ndërkombëtare shqiptare e NLP
Si mund të motivoni dhe si mund të fitoni zemrat e tyre?
Po, çdo ide që keni, çdo sfidë me të cilën ndesheni, çdo problem, mund ta zgjidhni shumë më mirë, kur si lider komunikoni në mënyrë të tillë që punonjësit tuaj t’i motivoni për ato çfarë dëshironi dhe doni të arrini me kompaninë tuaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
