Si krahasohen zakonet tuaja të të ngrënit me Warren Buffett, Elon Musk dhe Bill Gates? Këto janë ushqimet e preferuara të miliarderëve - Business Magazine Albania

Si krahasohen zakonet tuaja të të ngrënit me Warren Buffett, Elon Musk dhe Bill Gates? Këto janë ushqimet e preferuara të miliarderëve

zakonet të të ngrënit

Edhe pse jeta e një miliarderi duket magjepsëse nga jashtë, avionë privatë, pallate në mbarë botën, restorante me yje Michelin, në disa mënyra miliarderët mund të jenë me këmbë në tokë. Rasti kryesor: Warren Buffett dhe Bill Gates, dy nga njerëzit më të pasur në botë, preferojnë një burger të McDonald’s në vend të kuzhinës të klasit të lartë.

Jeff Bezos

Themeluesi i Amazon thuhet se gjen kohë për një mëngjes të shëndetshëm sa herë që është e mundur. Por, ushqimi i tij i preferuar nuk është aspak i zakonshëm. Një herë thuhet se Bezos kërkoi oktapod mesdhetar me patate, proshutë, kos me hudhër dhe një vezë të zierë gjatë një takimi mëngjesi. Përpara se Bezos të shkonte në hapësirë ​​me anijen e tij New Shepard, ai gjithashtu bëri shaka me gazetarët të cilët sugjeruan se ushqimi i Arroz con Pollo që mbante mund të ishte “vakti i tij i fundit”.

Sara Blakely

Themeluesja miliardere e Spanx, e cila shiti shumicën e aksioneve të kompanisë së saj tek Blackstone në tetor, në përgjithësi udhëheq një mënyrë jetese mjaft të shëndetshme. Për shembull, ajo fillon çdo mëngjes me një smoothie që i shoqi e konsideron “të neveritshëm”, i cili përfshin “boronica të egra të ngrira, disa qershi të errëta, lakër jeshile, hurma, kanellë, spinaq, koliandër, nenexhik të freskët, limon, ujë, akull, chia dhe arra.” Blakely e bashkon smoothie-n me çaj jeshil, të cilin e pi me mjaltë dhe qumësht shqeme. Por jo të gjitha ushqimet e saj të preferuara janë kaq të mira. Blakely tha për The Strategist se rituali i saj para fluturimit është të blejë një qese të madhe me krakers: “Unë kurrë nuk i ha krakers në asnjë kohë tjetër, por fluturoj shumë, kështu që po ha krakers shumë.”

Warren Buffett

Zakonet e të ngrënit të tij kanë qenë objekt i shumë artikujve në internet dhe për arsye të mirë. 91-vjeçari CEO dhe kryetar i Berkshire Hathaway pëlqen shumë ushqimin e pashëndetshëm, duke preferuar hamburgerët, hot dogët, Cherry Coke dhe McDonald’s kundrejt çdo kuzhine të nivelit të lartë. Ai nuk i ha perimet dhe tha për CNBC në vitin 2010, “Nëse dikush do të më thoshte se do të jetoja një vit më gjatë duke ngrënë asgjë tjetër përveç brokolit dhe shpargut, tani e tutje … çdo ditë do të duket … më e gjatë. Unë do të vazhdoj me Cheetos dhe Coca-Cola.”

Lexoni: 5 zakone çdo mëngjes që ju ndihmojnë të qëndroni produktivë

Bill Gates

Joe Cerrell, drejtori menaxhues për Fondacionin Gates thotë se “Nëse bashkoheni në drekë me Bill, do të hani burger. Dikush do të dërgohet gjithmonë për të marrë ushqim tek McDonald’s. Gates është gjithashtu një adhurues i hamburgerëve në zinxhirin In-N-Out dhe Seattle Dick’s Drive-In. Pija e tij e preferuar e zgjedhur është gjithashtu e ngjashme me atë të Buffett: Diet Coke.

Elon Musk

Miliarderi i famshëm ka ndarë mendimet e tij për ushqimin në Reddit AMA ose tweete të herë pas hershme, duke përfshirë se ushqimet e tij të preferuara janë “French and BBQ” dhe se pija e tij e preferuar alkoolike është uiski. Miliarderi, një herë postoi në Twitter se snack i tij i preferuar i mesnatës është Cinnamon Toast Crunch.

Oprah Winfrey

Guruja miliardere e stilit të jetesës e ka bërë zakon të ndajë ushqimet (dhe produktet) e saj të preferuara në një listë vjetore të quajtur ‘Gjërat e preferuara të Oprah’, dhe 2021 nuk bën përjashtim. Gjatë viteve, Winfrey ka vënë në pah dhjetëra biznese të vogla ushqimore, produktet e të cilave ajo i pëlqen. Së fundmi, shijet e ëmbla nga bukëpjekësja e Karolinës së Veriut, Tonya Council bënë ndryshimin.

Mark Zuckerberg

Themeluesi i Facebook dikur përshtati një dietë, ku hante vetëm mish që e vriste vetë. Megjithatë, pas vitit 2011 Zuckerberg ka adaptuar zakone të tjera të ushqyerit. Ai konsumon pothuajse çdo gjë, për sa kohë që është një vendim i shpejtë dhe i lehtë. Ai preferon ta kalojë kohën e tij duke u fokusuar në Facebook, ose tani në Meta.

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0