5 zakone çdo mëngjes që ju ndihmojnë të qëndroni produktivë - Business Magazine Albania

5 zakone çdo mëngjes që ju ndihmojnë të qëndroni produktivë

zakone

“Mënyra si e shpenzoni mëngjesin tuaj shpesh mund t’ju tregojë se çfarë dite do të keni.” – Lemony Snicket

Të gjithë e dimë që zgjimi herët në mëngjes na bën më produktivë. Që nga fëmijëria jonë, ne jemi mësur të ndjekim, “herët në shtrat dhe të ngrihesh herët” si një ritual. Zgjimi në të gdhirë dhe fillimi i ditës sonë në mënyrën e duhur na bën më produktivë.

Në këtë botë të drejtuar nga teknologjia, gjëja e parë që bëjmë sa hapim sytë është të kontrollojmë celularët tanë për mesazhe, email, përditësime, etj. që mund të kemi humbur gjatë kohës së gjumit. Por a e dini se ky është një zakon i keq që ndikon negativisht në pjesën tjetër të ditës tuaj?

Sipas një studimi nga IDC, rreth 80% e përdoruesve të smartfonëve kontrollojnë celularët e tyre brenda 15 minutash nga zgjimi çdo mëngjes. Doktorët sot pajtohen që kontrolli i menjëhershëm i telefonit tuaj sapo të zgjoheni mund të fillojë ditën tuaj në një mënyrë që ka më shumë të ngjarë të rrisë stresin dhe t’ju lërë të ndiheni të mbingarkuar. Me fjalë të tjera, ju po e prishni ditën tuaj para se ajo të fillojë.

Lajmi i mirë është se duke bërë disa ndryshime të vogla dhe shtimi i disa zakoneve në rutinën tuaj të përditshme mund të ketë një ndikim të madh në jetën tuaj të përditshme.

Rregulloni shtratin tuaj

Sado e thjeshtë mund të tingëllojë, rregullimi i shtratit tuaj menjëherë pasi zgjoheni përmirëson në mënyrë drastike cilësinë e ditës tuaj. Mënyra se si bëjmë një gjë të caktuar është mënyra se si bëjmë gjithçka dhe disiplina në të gjitha aspektet e jetës është çelësi i suksesit. Rregullimi i shtratit tonë sapo zgjohemi na jep një ndjenjë kënaqësie, duke na frymëzuar për të bërë më shumë.

Tendosni trupin tuaj

Është e zakonshme që trupi juaj të bëhet i ngurtë dhe me më pak energji gjatë orëve të gjumit. Tendosja e trupit tuaj menjëherë pas zgjimit, liron muskujt tuaj dhe ndihmon në fleksibilitet. Edhe pesë minuta tendosje lehtëson tensionin e padëshiruar nga ligamentet dhe nyjet tuaja, përmirëson qarkullimin e gjakut dhe ju bën të ndiheni më aktivë.

Lexoni: Këto gabime të zakonshme mëngjesi mund t’ju kushtojnë produktivitetin dhe paqen

Jini mirënjohës

Filloni ditën tuaj me mirënjohje dhe pohime pozitive. Jini të lumtur për një ditë tjetër në jetën tuaj mes kaosit dhe çmendurisë së botës. Numëroni bekimet tuaja dhe jo problemet tuaja. Të çmosh atë që ke, të ndihmon të vlerësosh atë që jeta të ofron dhe krijon pozitivitet në jetë. Përdorni fuqinë e pohimeve pozitive dhe qëndroni para pasqyrës për të biseduar me personin më të mahnitshëm të jetës tuaj … veten. Jini të mirë me veten dhe praktikoni dashurinë për veten çdo ditë.

Mbani trupin tuaj të hidratuar

Zëvendësoni kafeinën me ujë të vakët për t’u hidratuar. Disa njerëz preferojnë që mëngjesin ta kenë si vaktin më të rëndësishëm të ditës. Disa preferojnë të hanë me ndërprerje vetëm në disa orë të caktuara gjatë ditës. Pavarësisht nga modeli i të ngrënit që ndiqni, gjithmonë nderoni ushqimin në pjatën tuaj. Kini kujdes për çdo kafshatë që po hani, e cila do të përmirësojë tretjen tuaj dhe përfundimisht produktivitetin tuaj. Një stomak i keq çon në një mendje të bllokuar dhe ndikon në aftësitë tuaja vendimmarrëse.

Ushtroni trupin dhe mendjen tuaj

Ne jemi të plotë vetëm kur trupi dhe mendja jonë janë në sinkron me njëri-tjetrin. Joga dhe meditimi janë mënyra të shkëlqyera për të sinkronizuar trupin dhe mendjen. 20 minuta meditim do t’ju ndihmojnë të qëndroni të përqëndruar, të gëzuar dhe optimist për 24 orët e ardhshme të ditës tuaj. Faktori më i rëndësishëm për të filluar ditën tuaj me entuziazëm është gjumi i mirë. Mbajtja e një minimumi prej 6-8 orë gjumë ndihmon në shmangien e lodhjes dhe acarimit të nesërmen.

Përsëriteni sa thamë më sipër çdo 24 orë për të qëndruar të kënaqur dhe të lumtur.

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0